Pathian Hmel
Dinhmun a han phet rap rap a, beisei loh leh duh loh zawng tak maia thil a rawn thlen rup rup chuan mihring rilru leh ngaihtuahna hi a lo pachhe thei dawn khawp mai a lo ni! Chhun te hi a reiin a ninawm ngawih ngawih a, zan lah a nghahhlehawm der chuang si lo. Ei tur reng reng kain tui a tih miah tawh loh va, mut huna mut a chhuah hauh tawh loh chuan hringnun sana hi awmze neiin a her thei tawh ngai hek lo. Eng emaw ti tak hian nun chhhungril hi a khawhar ngawih ngawih a, mi zinga awm lah a nuam chuang hauh si lo. Hun kal tawhin mi a chhun nat vawng vawng tawh ahnuhmana hma lam huna beiseina neih miah si loh phei chuan nun hi thim zingah pheh thlukin a awm a. Thi reng siin nung hming kan pu ve mai mai tawh thin.
Ding lam leh vei lam, hmalam leh hnung lamah beiseina awm a awm tawh loh meuh chuan chung lam thlir a, hmangaihtu Pathian hmel lo lang tur nghak tura infuih mai loh chu tih theih dang a awm tawh lo. Mihring ngaihtuahnain a ngaihtuah phak leh mitin a hmuh phak bakah chiah hian rinna kan tih hi a lo in tan ve dawn chauh a lo ni. Chu rinna chuan beidawnna thim chhah tak karah pawh khawvar lo thleng tur chu a hmu thei si thin a.
Mangannain mi a han tuam a, thlarau nun chau va a han hui pap pap tawh chuan, "Ka Pathian, ka Pathian, engahnge mi kalsan?" tia au rawih rawih mai te hi thilmak a lo ni hauh lo. Chutih kara beiseina kawng lo inhawng tur la nghah leh rih ngai te phei chu thil awlai a ni lo takzet. Nimahsela kan dilna zawng zawng, "Ni nghal rawh se," tia min chhang vek ngai lem lo, dawhthei taka nghak tura min duh fotu Pathian chunga rinna nghah hi a tul thin si!
Ringtu tha eltiang, 'a rau hlang' an tih ang chi pawh ni hial mah i la famkimlohna khawvela cheng mihring famkim lo kan nih hi a bang dawn chuang lo. He taksa in, leia sak hi a la chim ang a, he khawvel ngei pawh hi a la boral dawn. Chumi avang chuan chhe ve lo tur leh ral ve ngai lo tur chung lama thil awma rilru nghah tlat tluka thil finthlak hi a awm mawlh lo.
Tuna kan awm ang hi thil awm reng dan tur emaw tih a awl fo. Mahse a ni lo. Khawfing hi a la chat dawn. Amah ngei min lam tura a lo kal hunah chuan he leia kan hrehawmna te hi kan lawmna pangpar tur an lo la ni ang a, kan tahna mittui te hi lawmna mittuiah an lo la chang ang. Chutih hunah chuan he khawvela kan khualzinna chanchin te hi pangchang takin kan la hrilh ve ang chu.
Aw le, hetiang dinhmun leh ngaihtuahna atanga lo chhuak Pathian Hmel chu a hnuaia mi hi a ni e.
(Subtitle-a 'mangang, ritphurin' tih hi a satute sak dan ang hian 'mangan ritphurin' tih zawk tur a ni)
Ding lam leh vei lam, hmalam leh hnung lamah beiseina awm a awm tawh loh meuh chuan chung lam thlir a, hmangaihtu Pathian hmel lo lang tur nghak tura infuih mai loh chu tih theih dang a awm tawh lo. Mihring ngaihtuahnain a ngaihtuah phak leh mitin a hmuh phak bakah chiah hian rinna kan tih hi a lo in tan ve dawn chauh a lo ni. Chu rinna chuan beidawnna thim chhah tak karah pawh khawvar lo thleng tur chu a hmu thei si thin a.
Mangannain mi a han tuam a, thlarau nun chau va a han hui pap pap tawh chuan, "Ka Pathian, ka Pathian, engahnge mi kalsan?" tia au rawih rawih mai te hi thilmak a lo ni hauh lo. Chutih kara beiseina kawng lo inhawng tur la nghah leh rih ngai te phei chu thil awlai a ni lo takzet. Nimahsela kan dilna zawng zawng, "Ni nghal rawh se," tia min chhang vek ngai lem lo, dawhthei taka nghak tura min duh fotu Pathian chunga rinna nghah hi a tul thin si!
Ringtu tha eltiang, 'a rau hlang' an tih ang chi pawh ni hial mah i la famkimlohna khawvela cheng mihring famkim lo kan nih hi a bang dawn chuang lo. He taksa in, leia sak hi a la chim ang a, he khawvel ngei pawh hi a la boral dawn. Chumi avang chuan chhe ve lo tur leh ral ve ngai lo tur chung lama thil awma rilru nghah tlat tluka thil finthlak hi a awm mawlh lo.
Tuna kan awm ang hi thil awm reng dan tur emaw tih a awl fo. Mahse a ni lo. Khawfing hi a la chat dawn. Amah ngei min lam tura a lo kal hunah chuan he leia kan hrehawmna te hi kan lawmna pangpar tur an lo la ni ang a, kan tahna mittui te hi lawmna mittuiah an lo la chang ang. Chutih hunah chuan he khawvela kan khualzinna chanchin te hi pangchang takin kan la hrilh ve ang chu.
Aw le, hetiang dinhmun leh ngaihtuahna atanga lo chhuak Pathian Hmel chu a hnuaia mi hi a ni e.
(Subtitle-a 'mangang, ritphurin' tih hi a satute sak dan ang hian 'mangan ritphurin' tih zawk tur a ni)
13 comments:
a ni khawp mai hotupa...hlaphuahtu te hian an phuah lai a an rilru a thil awm tur ang hi ngaihtuah chuan hla thu hi a ngaihnawm leh zual asin...
Inkhawmna a kan zai tam tak ah hian hla thu ngaihtuah lutuk lem lo in..kan hriatsa tawh anih avang in kan sa liam mai mai ni te hian ka hre thin!
A mawi khawp mai, he hla hi. Tunlai chu Demand channel-ah thlan hlawh ber pawl a ni. Amaherawhchu, lar viau e tilo chuan, ka zawm hleithei der lova, a thu pawh ka hrechhuak lo nasa..
Nia, i sawi ang hian dawhthei taka nghah a ngai a. Pathian hmel lo lan hun tur nghah thlen erawh mihring tak chuan a nghahhlelhawm thin a, a lo lan hmain kan lo beidawng leh thin..
He hla hi a nalh khawp mai, music on demand ah hian an rawn thlang nasa lutuk a, ka ngaithla fo mai. Pathian hmel hi amah ringtute tan chuan damna a nih laiin amah dotute tan erawh thihna a ni tih hriat tel a tha. A nghah lam hi a har thin em alawm
@avena, ni e, hotupa 'Lal Isua kan thian tha berin' tih hla te kha a phuahtu Joseph Scriven-a chanchin leh a phuah laia achunga thil thleng te ka hriat hnuah ka duhna a zual sawt asin! I sawi ang hian a thu ngaihtuah chiang chunga sak chuan hla hian mahniah awmzia a lo nei thuk thei viau mai...
@Zaia, a lawmawm e, hotupa. A hla chu i lo zir thiam ngei a ngai a nih chu:))
Pathian nghah hi ni e, a har em em a. Mahse, 'Ka nghak theri lo,' han ti ngawt dawn i la, tih theih vak chu kan nei der thin si lo. Lalpa ngaichang thiam apiangte hi mi vannei chu an ni mai dawn a lo ni.
@Geminiboyz, thanks. Pathian hmel hmuh thlahlel ngawih ngawih a awm theih laiin, hmuh hreh ngaiwh ngaiwh pawh a awm theih tho dawn te pawh a ang viau mai. Nghah hi ni e, har deuh nthin mahse lalpa nghaktute chu an chakna siam thar leh tur, mupui anga thlaa thlawk tur kan Bible-in a tihte kha an ni miau mai si a...
Cyclone Aila avang khan duh hunah pawh ka'n lut thei pek lova(h). Thu bengverh ni satliah mai lo, thinlung khawih tak chhiar chu a nuam hle mai. Kan hrehawmnaah pawh lawma awm kha Pathian thu a ni si a le(h). Unaupa, kan rin hi a lo dik lo anih vaih chuan kan va han chawh dawn chawr chawr em aw!! Mahse:
"Kan leng dun thin, kan inkawm thin....
A nung, ka thinlungah." tih hi a dik tlat si.
He hla hi youtube a an upload tirh vel khan hemi hla mamawhna deuh dinhmun ah ka din lai a nia, ka rilru hi a hneh thrin khawp mai. Zaia rawngbawl hi a lo hlawk tak² a ni tih min hriat nawn tir. Synod choir hmangin Pathian in nitin min hnem hi a ni ringawt a. Chuan, Aizawl ka han haw chhova, Synod choir member kan chhungte ka hrilh a, 'i thiante bulah in rawngbawlna Pathian in mal a sawm zia i lo hrilh dawn nia' tiin ka chah hial!
- Pi black-i
@CHHUNGAPA, ka zin bo a talangin ka rawn chhang hman ta lawk lo che a ni e. Ni e, rinhlelhna te leh harsatna te'n min han tibuai phat phat thin mahse 'heta' nung awm ve tlat hian beiseina min siam thar sak thin a lawm tiraw...
@Pi black-i, i thusawi chu a ropui ka ti takzet mai. Keipawh Bible ai maha hlain ka nuna thu a sawi thuk zawk tum hi a awm fo mai. Chuvangin i sawi ang hian zaia rawngbawl te hi a lo namai lo khawp mai. Synod choir te pawh an fakawm e.
The light from Heaven will come Breaking through tih The Ruppes sak kha nalh ka ti thin khawp a, Synod choir-in an rawn sa leh nghal a, ka ngaithla awllo mai.
Lungngaihna kawr ruama awm lai pawhin Ringtute tan chuan Pathian hmel duhawm chu a lo eng ngei thin
Hotupa, he hla mawi tak mai hi i phuah tih reng reng hre lovin ka lo ngaithla thin a, a hnuah ka han chhiar chianga, ka hre hnuhnawh leh si a, a ropui ka ti a, i phuah thiam ka ti ngei mai. He hla hian chona thar nasa takin ka nunah min siam niin ka inhria.
@Varte, kei paw'n he hla hi chu tha ka ti ngang mai... Ni e, dawhthei taka nghaktute chuan harsatna karah pawh Pathian hmel duhawm hi an hmu nge nge zel chu a lo ni...
@Puia, hotupa ka lawm e. He hla hi phuah chiah pawh a ni lo. Dinhmun duhawm lo taka ka din laiin a chunga Varte sawi hla khian min hneh em em mai a. Letling ni chiah si lovin keima dinhmun nena hmehbelin ka 'siam' ta a ni ber mai e. Mizoram lamah pawh Pathianin a lo hmang viau a ni tihte ka lo hria a, a lawmawm ka ti takzet mai.
a va han ropui tak em.... He hla hi ka ngaithla nasa lutuk a, ka thianpa zaia khian i blog hi minkohhmuh a. Hei a hla 'siamtu' blog ah ngei kan comment ve theih chu... A ropui e...
@Tawia Pachuau, he hlain i tana awmzia a lo nei ve chu a lawmawm hle mai! Ka phuloh chawimawina min hlan avangin ka lawm bawk e. Pathianin ropuina chang zel rawh se!
A ropui e. Hringnunah beidawnnain bu a khuar meuh chuan, Pathian thilsiam mawi kan tih thin zawng zawng pawh hi a lo mawi reng reng hleinem le... Zan lo thleng tur kan huphurh ngawih ngawih a, huphurh ang ngeiin zan khat pawh kumkhat ang maiin a lo rei a, khawvar kan nghakhlel ngawih ngawih a, khua a lo var ngei a, kan nghahhlelh angin engmah a lo ni leh ngai chuang si lo. "Khawhara ka vahvaihna ram hi, Ka pel thuai ang ka buaina zawng nen, Ka zin kawng ka hrilh anga LAL hnenah, Mittui zawng zawng a hrui fai tawh ang" tih hi a nghahhlelhawm thin asin.
Post a Comment