My Editorial-II
“Mihring tan vawikhawt thih ruat a ni” tih thu dik hi tumah hrilh nawn kan ngai awm lo ve. Engtikah emaw ka thi dawn tih kan chiang a, chumi atana inbuatsaih a tul zia pawh kan sawi thin. Chatuan atana inbuatsaih tluka thil pawimawh hi a awm lo vang.
Chutih rual chuan thil pawimawh tak hriat tel ngei ngei tur a awm. Chu chu, “nung tura inbuatsaih” hi a ni. He khawvelah hian Pathianin rem a tih chhung chuan kan nung dawn a. Kan hmakhua kan ngaihtuah a ngai a, keimahni chauh ni lovin midangte nen kan nunho a tul bawk. Hetah tak hian a ni, nun dan thiam a tul thin ni.
Engtia rei nge kan dam, tih hi thil pawimawh ber a ni lo. Ka nun dan hi engang quality nge a nih, tih erawh a pawimawh hle a ni. Lal Isua damchhung kum 33 lek kha mihring zawng zawngte tana chatuana ‘Nunna’ a ni. Chutiang taka nun quality chu mihringte hian kan phak hauh lo vang. Mahse he nun hi mihringte tana nun dan tur model sang ber a ni.
Min siamtu leh min neitu Pathian tan leh kan mihringpuite tana a tangkai thei ang bera nun leh kan awmna hmun apiang ‘Lalpa malsawm ram rim’ a lo nam theihna tura nun tluka thil hlu hi mihring tan a awm leh thei chuang lo vang. ‘Tawmkai ve tawk tawk’ ah hian duhtawk mai lo i la. He kan damchhung tawiteah hian thil tha sang ber tih i tum theuh ang u.
(Chhimbal, An Official Organ of Chennai Mizo Welfare Association, Vol. 10 No. 11 April 6, 2008)
P.S: He editorial ka ziah lai khan lo hrechhuak ni i la chu Christian Aid thuvawn (strapline), 'We believe in life before death' tih hi ka thai lang tel ngei ang maw le!
Chutih rual chuan thil pawimawh tak hriat tel ngei ngei tur a awm. Chu chu, “nung tura inbuatsaih” hi a ni. He khawvelah hian Pathianin rem a tih chhung chuan kan nung dawn a. Kan hmakhua kan ngaihtuah a ngai a, keimahni chauh ni lovin midangte nen kan nunho a tul bawk. Hetah tak hian a ni, nun dan thiam a tul thin ni.
Engtia rei nge kan dam, tih hi thil pawimawh ber a ni lo. Ka nun dan hi engang quality nge a nih, tih erawh a pawimawh hle a ni. Lal Isua damchhung kum 33 lek kha mihring zawng zawngte tana chatuana ‘Nunna’ a ni. Chutiang taka nun quality chu mihringte hian kan phak hauh lo vang. Mahse he nun hi mihringte tana nun dan tur model sang ber a ni.
Min siamtu leh min neitu Pathian tan leh kan mihringpuite tana a tangkai thei ang bera nun leh kan awmna hmun apiang ‘Lalpa malsawm ram rim’ a lo nam theihna tura nun tluka thil hlu hi mihring tan a awm leh thei chuang lo vang. ‘Tawmkai ve tawk tawk’ ah hian duhtawk mai lo i la. He kan damchhung tawiteah hian thil tha sang ber tih i tum theuh ang u.
(Chhimbal, An Official Organ of Chennai Mizo Welfare Association, Vol. 10 No. 11 April 6, 2008)
P.S: He editorial ka ziah lai khan lo hrechhuak ni i la chu Christian Aid thuvawn (strapline), 'We believe in life before death' tih hi ka thai lang tel ngei ang maw le!
11 comments:
Ngaihnawmleh hle mai hotupa. Engtia rei nge kan dam tih hi thil pawimawh ber ani lo i tih khi ka duh hle mai! A dika ni!
a ngaihnawm hle mai. Van lam nun kan ngaih avanga lei lam kan ngaihthah si hi ka ngaimawh ve ngot a, en ni hawt lo hian. He damchhung tawite ah hian mite nen a inrem taka awm hi a tha. Abrahama hnenah Pathianin "Nang malawmna ni ang che" a tih ang khan.
@sekibuhchhuak, Ti lawmawm thin e. Ni e, rei ngial dam ve rikngawt a, eng thil hlu mah hnutchhiah loh ai chuan rei vak lo dam a, khawvel tana thil ropui hnutchhiahtu nih hi a thlanawm zawkin ka hre thin.
@vana, Thanks! I sawi dik khawp mai. Nung tura inbuatsaih si lo hi thi turin a inbuatsaih ngawt thei lo vang tih hi ka ring ve tlat thin...
Hotupa, editorial 1 kha ka lo chhiar tawh bawk a, hei 2 hian a rawn chhilh tha lehpek khawp mai. Ni e, dam reng turin hna thawk ila, nun erawh thi mai thei turah inruat thung ila, ka fimkhur phah ngei ang. Tar deuh zawk leh upa zawk te hi thi hmasa turah kan han ruat deuh ngawt tak na a, tunlai hri tha lo hrang hrang leh natna hrang hrang lakah hian tar aiin thalai thi kan tam zawk daih si a nih hi.
Tha lutuk. Nia, kan dam chen tur ai mahin kan dam lai a kan nundan hi a pawimawh zawk. Dam rei avanga Vanram kai tur ni lovin thil tihthat avanga kai tur zawk kan ni si. Pawimawh deuh pakhat chu thi tura in fit hi a ni
@Puia, hotupa i ti lawmawm thin e. Ni e, thih hnu lam nun ringawt ngaihtuah hi awm thei a ni a, chuti lam ngaihtuah miah lo va khawvel nun ringawta inhman zawh theih a ni bawk a. Inbuktawk a pawimawh a ni ber mai e.
@Geminiboyz, lawmawm e. I sawi ang hian he leia kan nun dan hian kan thih hnu awmdan tur a hril miau mai a. A lei thlawh khum zawnga thlarau mi tum ringawt pawh a lo ni ber lo ve!
He leia awm chhunga 'van khua leh tui' nih inhriat tel rengna hian kan lei nun hman chu a kaihruai thui khawpin ka hre ve thin. Hei hi a 'rau lam level' atan ngawt ni lo, khawvel tana kan mawhphurhna kan hlenchhuahna kawngah pawh a pawimawh khawpin ka hria. I sawi hi a dik khawp mai. A ropui thin e.
I Editorial hi, engtik lai vela i ziah nge maw ni thin, a ril thei viau mai si a!? Ni e, kan damchhung kumte hi miin min tehsak dawn lova, he kan damlaia kan thiltihte hian kan thih hnuah kan dam rei leh rei loh a hril ngei dawn a ni.
Tin, 'Tawmkai' tih hi, a negative lamah chauh (eg. Tawmkailo) an hmang emaw ka ti a, heti zawnga i'n hman takah chuan a lo hmantlak ve tho a nih hi!!
@CHHUNGAPA, ni e, a dik khawp mai. Keini kristiante tan phei chuan 'chung lama thil awm' hi he leia kan nun hruaitu atan a pawimawh em em reng a ni e.
@Zaia, hotupa i ti lawmawm thin e! 'Thih hnu pawhin thu an la sawi cheu va...' tih kha kan chungchang an sawi ve dan tur ni ve se a ropui dawn mang e!
Tawmkai tih hi ni e, negative lama hman thin chu ni ngeiin kei paw'n ka hria. Rev. Saiaithanga'n, "Tawmkai ve tawk tawk lakah fimkhur tur..." a tih ka chhiar atanga ka hman ve tak mai a ni e. A tha ka ti riau va!:)
chhiar nawn leh pawh a nuam hle mai a..hotupa!
@avena, ni e, hotupa nang chuan a original issue kha i chhiar tawh tak ang...
Post a Comment