Kohhran: A nuihzatthlak lam
Ho Huang category pawh a khawhar rei ta. Khawnge tuntum chu thu ho lam mai mai sawiin titi phungleng ka'n vawrh teh ang! 'Kohhran' han tih hian a puithu lam ringawt hi a lo ni bik lo. Nuihzatthlak leh hlimawm tak tak thil hi a thleng ve reng bawk a ni. Chuti lam hawi chu tuntuma kan 'sapzek' a ni.
Awk e!
Vairengte khawi veng ber nge ka hre ta lo, thianpa Kima min hrilh a ni. Pathianni zanah Zaipawlin hla an rem dawn a. Conductor chuan a han vai ding a, 'Doooooh...' a'n ti vang vang a. Mipui pawh an reh thuap mai. 'Doooooh...' a'n ti leh a, a lak tanna tur a han vai ve leh chuan chung lam atangin fiah fai tha tawk hian, "Awk e!" a rawn tih khalh! Zai zui mai a har khawp mai, an ti!
Ek In chhin
Hei hi Upa Thangsiama'n ama chanchin a sawi ka hriat a ni. Khaw pakhatah hian crusade neiin an hlim hle mai a. Zan khat chu pulpit-a thusawi tura a thut ren rawn tawh hnuah a ek a chhuak ta tlat mai a. Thusawi laiin a tibuai ngei dawna a lan avangin ek in lam pan leh mai chu a ngai ta. Chairman-in thusawitu kohna hla a thlan ve leh chuan a chhuak ta zal zal a. An naute zinga pakhat hnenah chuan, "Ka rawn luh leh hma chu lo nawn ang che," tiin a chah thlap bawk a.
A thlen in te ek in kha a khur laih chi (pit latrine), a chhinna awm chi a ni a. A inthiar zo chu hmanhmawh takin Biak In lam chu a pan a. Biak In-a a han lut, pulpit a pan chhoh lai vel chuan mipui chuan an rawn nuih deuh tha hlawm hian a hmu a. A han in enchian nak chuan ek in chhin kha pulpit lamah a lo lawnpui mek chu niin!
Sacrament modified!
Sangau lam ve thung. A hming chu sawi lo i la, Pastor-a an nemngheh tirhin vawikhat chu Lalpa Zanriah Sakramen hi a buatsaih a. La ti thang lo ta chu, a chhang zawk sem hmasa lovin uain zawk chu a sem hmasa ta hlauh mai a. Uain a sem lai chuan, "Hei hi ka taksa..." te chu a ti ang nawk nawk lawi a. Upa ho pawh mak tiin an hawi he haw hlawm a. Inkhawm banah chuan, "Engatinge khatia uain zawk i sem hmasak tak mai?" tiin an zawt a. Tisual nih kha duh bik hek lo, "Ka modify a nih kha!" a ti.
Lal Tawngtai malsawmna
Aizawl Kohhran pakhatah hian Pathianni zan vawi khat chu inkhawm an thahnem hle mai a. Inkhawm ban dawnah chuan chairman, an Upa senior chuan, "He hla kan sak zawhah hian kan Pro. Pastor-in khawngaihin Lalpa Tawngtainain min tin se la..." a ti pek a. Malsawmna tih turah lalpa Tawngtaina a ti palh a ni. Hla sak a zo va, Pro. Pastor tuai tir tih takah Upa senior ngenna ti hlawhtling tur chuan a rawn pen chhuak a. "Kan Pa..." A sawi zel a, 'Sual tura thlemna...' tih lai velah chuan a buai ta tlat. A ngawi ta vang vang mai a. Chutah chairman chuan, "Khai le, mipuiin i zawm ang..." a rawn ti a!
A ba ba!
Hei hi tun hma lama Sailam kohhrana thil thleng, Upa Chhuana min hrilh a ni. Sunday School exam an nei a. Pa pakhat hian a fapa tawngthei lo hi kaa chhang ho awmna lamah chuan a rawn hruai ve mauh mai a. Zirtirtu te chuan, "A sawi a hriat theih si loh va..." an tih pawh chuan a Pa chuan, "Keiman a sawi chu ka hre thei a lawm," a ti miau si a, zawhna chu an zawt ve ta a ni.
"Isua pianna kha khawi khua nge?"
"A ba ba"
- "Bethlehem a tihna a nih kha"
"A nih leh Isua nu hming kha?"
"A ba ba"
- "Mari a tihna a nih kha"
"Isua zirtirte kha engzat nge an nih?"
"A ba ba"
- "Sawmpahnih a tihna a nih kha"
Chutiang zelin... Zirtirtute pawh an buai nak mai!
Tawngtai Duet
Zohmun lamah pakai i la. Tlaivara tawngtai zan a ni a. Tawngtai kar lakah thusawi tawi a awm zel bawk a. 12:30 chu Pro. Pastor thusawi hun tur a ni. Chairman chuan Bible te chhiarin thu hma tlem a nei a. Chutih lai chuan Pro. Pastor chu a lo mutthlu hman hlauh mai a. Chairman-in "I lo tawngtai ang u...," a tih chu ani harh chiang mang lo chuan tawngtai rual tawh tur emaw a ti. Thahnem ngai tak mai chuan a bei chho ve ta ngheng mai a, a tawpna siamtuah te chuan a la tang zui! A han 'Amen' chiah chu Biak In-a awm zawng zawng chu an lo nui char char mai a. Tawngtai rual ni lovin, chairman tawngtai chauh kha a lo la ni si, a lo duet pui chiam mai a lo ni!
(Inspired by Bishop's Jokes)
Awmzel tur :-)
Awk e!
Vairengte khawi veng ber nge ka hre ta lo, thianpa Kima min hrilh a ni. Pathianni zanah Zaipawlin hla an rem dawn a. Conductor chuan a han vai ding a, 'Doooooh...' a'n ti vang vang a. Mipui pawh an reh thuap mai. 'Doooooh...' a'n ti leh a, a lak tanna tur a han vai ve leh chuan chung lam atangin fiah fai tha tawk hian, "Awk e!" a rawn tih khalh! Zai zui mai a har khawp mai, an ti!
Ek In chhin
Hei hi Upa Thangsiama'n ama chanchin a sawi ka hriat a ni. Khaw pakhatah hian crusade neiin an hlim hle mai a. Zan khat chu pulpit-a thusawi tura a thut ren rawn tawh hnuah a ek a chhuak ta tlat mai a. Thusawi laiin a tibuai ngei dawna a lan avangin ek in lam pan leh mai chu a ngai ta. Chairman-in thusawitu kohna hla a thlan ve leh chuan a chhuak ta zal zal a. An naute zinga pakhat hnenah chuan, "Ka rawn luh leh hma chu lo nawn ang che," tiin a chah thlap bawk a.
A thlen in te ek in kha a khur laih chi (pit latrine), a chhinna awm chi a ni a. A inthiar zo chu hmanhmawh takin Biak In lam chu a pan a. Biak In-a a han lut, pulpit a pan chhoh lai vel chuan mipui chuan an rawn nuih deuh tha hlawm hian a hmu a. A han in enchian nak chuan ek in chhin kha pulpit lamah a lo lawnpui mek chu niin!
Sacrament modified!
Sangau lam ve thung. A hming chu sawi lo i la, Pastor-a an nemngheh tirhin vawikhat chu Lalpa Zanriah Sakramen hi a buatsaih a. La ti thang lo ta chu, a chhang zawk sem hmasa lovin uain zawk chu a sem hmasa ta hlauh mai a. Uain a sem lai chuan, "Hei hi ka taksa..." te chu a ti ang nawk nawk lawi a. Upa ho pawh mak tiin an hawi he haw hlawm a. Inkhawm banah chuan, "Engatinge khatia uain zawk i sem hmasak tak mai?" tiin an zawt a. Tisual nih kha duh bik hek lo, "Ka modify a nih kha!" a ti.
Lal Tawngtai malsawmna
Aizawl Kohhran pakhatah hian Pathianni zan vawi khat chu inkhawm an thahnem hle mai a. Inkhawm ban dawnah chuan chairman, an Upa senior chuan, "He hla kan sak zawhah hian kan Pro. Pastor-in khawngaihin Lalpa Tawngtainain min tin se la..." a ti pek a. Malsawmna tih turah lalpa Tawngtaina a ti palh a ni. Hla sak a zo va, Pro. Pastor tuai tir tih takah Upa senior ngenna ti hlawhtling tur chuan a rawn pen chhuak a. "Kan Pa..." A sawi zel a, 'Sual tura thlemna...' tih lai velah chuan a buai ta tlat. A ngawi ta vang vang mai a. Chutah chairman chuan, "Khai le, mipuiin i zawm ang..." a rawn ti a!
A ba ba!
Hei hi tun hma lama Sailam kohhrana thil thleng, Upa Chhuana min hrilh a ni. Sunday School exam an nei a. Pa pakhat hian a fapa tawngthei lo hi kaa chhang ho awmna lamah chuan a rawn hruai ve mauh mai a. Zirtirtu te chuan, "A sawi a hriat theih si loh va..." an tih pawh chuan a Pa chuan, "Keiman a sawi chu ka hre thei a lawm," a ti miau si a, zawhna chu an zawt ve ta a ni.
"Isua pianna kha khawi khua nge?"
"A ba ba"
- "Bethlehem a tihna a nih kha"
"A nih leh Isua nu hming kha?"
"A ba ba"
- "Mari a tihna a nih kha"
"Isua zirtirte kha engzat nge an nih?"
"A ba ba"
- "Sawmpahnih a tihna a nih kha"
Chutiang zelin... Zirtirtute pawh an buai nak mai!
Tawngtai Duet
Zohmun lamah pakai i la. Tlaivara tawngtai zan a ni a. Tawngtai kar lakah thusawi tawi a awm zel bawk a. 12:30 chu Pro. Pastor thusawi hun tur a ni. Chairman chuan Bible te chhiarin thu hma tlem a nei a. Chutih lai chuan Pro. Pastor chu a lo mutthlu hman hlauh mai a. Chairman-in "I lo tawngtai ang u...," a tih chu ani harh chiang mang lo chuan tawngtai rual tawh tur emaw a ti. Thahnem ngai tak mai chuan a bei chho ve ta ngheng mai a, a tawpna siamtuah te chuan a la tang zui! A han 'Amen' chiah chu Biak In-a awm zawng zawng chu an lo nui char char mai a. Tawngtai rual ni lovin, chairman tawngtai chauh kha a lo la ni si, a lo duet pui chiam mai a lo ni!
(Inspired by Bishop's Jokes)
Awmzel tur :-)
23 comments:
Haha! Ka va nui hnem kher em, hotupa!!
Doooooh - Awk E!!! leh A ba ba hi, a nuihzatthlak zual.. a chhunzawmna ka lo nghak e - nghakhlel takin.. :)
Zingkarah kan nui thra mai a lawm, post tha tak a ni. Awmzel tur a ni lehnghal a, yeessss
ha ha ha..nui hlum dawn..sakramen modify te..Lalpa tawngtaina etc..ka nuih a 100 lutuk..kan copy ve ang e...nang poh hian chet chhiatna i neih ve tho ka ring..i in ti fihlim daih a..midang hian i chet chhiatna an lo sawi ve mek thei asin :)
Hei ka blog ka sign in thei lo reng a.Ka HD ka upgrade hnu ah ka soign in thei tawk a nih hi.I comment poh ka hmu kha.I dam that ka beisei.
Hahah.Lal Tawngtai Malsawmna tih khi ka van hre teuh e! Hotupa nangmah chu ni em lo maw :-)
A ba ba- khi ka nuihpui nasa lutuk.An khawngaihthlakawm bawk sia!
@Zaia & codeAries, e khai keini thusawi ho mai maiin kan hotute kam a lo keu chu a va han lawmawm em! Kan ti zeuh zeuh ang chu:)
burgerstud2005 & Sekibuhchhuak, hahaha! Kei hi chu mi che fel thlerh tlawrh, a bu ang thlapa thil ti thin ka nih avang hian hetianga chetchhiatna hi ka nei ve lo a ni e:)) Mi'n an lo sawi a nih paw'n an fiamthu mai mai a nni ngei tur a ni:)
Hmanah Bishop's Jokes ka chhiar tawh a. Mizo kohhranah pawh hetiang thil hi a lo tam thei dawn a lo ni, tihte min ngaihtuah tir a. Ka hriatrengnaa chambang thenkhat ka rawn phawrh chhuak a nih hi.
@burgerstud, a nih tak chu. Blog pawh i rawn update regular thei leh deuh tawh ang chu. Ka dam tha e. Nangni lam pawh lo dam zel teh u'n!
ekhai, min va chawk hlim em hotupa.. pakhat kan thawh ve ang e aw.. Aizawl veng pawimawh tak pakhata Kohhran upa a ni a. Sawrkarah pawh nihna pawimawh tak chelh a ni. Tin, keimah ngei pawhin ka mikhual ve tawh a, ka ti ti nasa thin khawp mai. Thil reng reng direct taka sawi bawl bawl mi a ni a, zahpah em em pawh nei hran lo, dik leh tha nia a hriat chu sawi chhuak phawng phawng mai chi a ni a.
Vawikhat chu an veng Biak In-ah crusade an nei a. A tawp zan chu ruah a sur nasa hle mai a. A tawp bera chhuak tur chuan a Nihliap a hmu zo ta tlat lo mai a, an buai fu mai a, crusade zo hlim chauh an la ni si a, mahni ta lo, lo lak ngawt mai chu an hrethiam lo tlang hle a ni.
A tuk zan inkhawmah he kohhran upa hi a chairman ta ngei a, a hma zana nihliap bo chunchang chu na takin a puang a, crusade kan zo fel chauh a, mahni thil lo lak ngawt mai chu a va zahthlak em, a rang thei ang berin rawn dah vat ni se, a ti a. Inkhawm bang an hawng, in an thleng chiah mai chu, nu ber chuan, mamapa nizan i nihliap rawn hawn hi kan ta a ni lo tlatin ka hria, han en ve mah teh, a han ti a, an ta chu a lo ni lo ngei mai reng a, a neitu an han zawn nak a lai chuan, a hma zana bo ngei kha a lo ni a..a inthiam lo ngei mai.. midang lah nui tet tet..
Min va tihlim ve....
Comedian thiam ho te chuan "Thil phuahchawp aiin Real Life hi a nuihzatthlak zawk e" an ti thin, a dik ka ti keipawhin.
I thil rawn post ho hian office ah min ti nui vur vur, vai hovin an hre thiam ve der si lova, han lehlin leh a nuizatthlakna a bo vek dawn sia..
Looking forward for more..
@Puia, nangni chawh hlim hi kan lawmna a ni a lawm hotupa! I thu han thawh belh pawh chuan mion va ti nui ve maw le!
@Geminiboyz, i hlimna kan lo siam chu a va lawmawm ve!
@blackestred, Hahaha! A dik ngawt ang, keipawh hnam dang bulah hian i tawn ang hi ka tawng zauh zauh mai! Ni e, hnamdang nuihpui ve theih tura han lehlin ngawt chi pawh a ni lo tak ang a... Btw, thanks for dropping by, you're always welcome here
Hotupa min va ti nui nasa ve le....!!
vawi khat pawh chaltlang kohhran inkhawm tantu hi tan tur in a rawn ding chhuak vek tawh a..a bible chang chhiar tur kha a keu a keu mai a ..a hmu zo thei lawk lova a tawp ah "naupang ho in ka chhiar tur lai phek an lo pawt thla daih anih hi" ..an ti mai chu kan in sum zo lo kan nui dar dar mai maw le!! a chhiar tur a book-mark lai kher kha naupang in an pawt thla ni ngei tur ani!!
Vawi khat inkhawm a khuangpu in hla thluk a hre sual a" Lalpa i aw nem a min koh hi"..tih hla an la tran tur kha "Lalpa i hnathawh hi rawn tiharh fo ang che" tih thluk in an la mauh mai a..mipui in an zawm hma in a tlar khat na kha a sa kim thei ta reng reng lo mai a...kan nui hak a ..chuan ala tha leh ta alawm.
A dang a va nghahhlelhawm ve! Mahniin roomah ka'n nuih kur kur chu le...
Thil hi i va chhinchhiah rei thei ve. I ziak thlap zawk chu a ni lo maw? A tha khawp mai. Han ti leh thuai teh.
haha. hmanah heting lam hi i sawi ka hre nual tawh... lamkhuang kunga inneih lehkha tar tih lampang te emoni, pulpit atanga i sawi ni nghe nghe in ka hria.
ron ti zel ron
-makima
@avena, hahaha! I thil sawi hian min ti nui nasaaaa!!!
@Tetea, i lo hlimpui ve chu a lawmawm e. Ni e, kan ho zeuh zeuh ang chu:)
@CHHUNGAPA, A tawna ka tawn leh mi sawi ka hriat hi a thahnem ve ta viau a. Ka hre reng tlem ta zawk em a ni... Nangpawh i titi ngaihthlak a nawm thieh viau kha maw le:)
@makima, I va 'khat' ve:) He he! Ka thil sawi eng eng emaw chu i hre nual tak ang:) Min fuih nasa bawk a ka la rawn pawrh leh nge nge ang:)
Ka vahan nui nasa ve ooo kan save nghal keuh ange..
mate,iva han hre nuihzathlak deuh ve.I dam tha maw? manuni
@Anonymous, kei pawh hi heng thil ka sawi thenkhat hi chuan min la ti nui fo mai. A tha e...
@manuni, e khai kan German lam hotute in dam maw? Nang pawn in khaw lam chanchin nuihzatthlak deuh deuh i hriat teuh kha:) Ka dam tha e ka u...
E a va hlimawm ve
Malsawm tawngtai hi a ang deuh hlek kan vengah a thleng tawh - Chairmanin "Thusawitu hian hla sak zawhah malsawm tawngtainaiin min tin se" a ti a, zai zawh veleh thusawituin ban a phar uaih tawh a, chair atangin "Kan PA" tiin a chhunzawm ta daih a
@OpaHmar, i lo lenglut a a lawmawm e! Hehe! I thil rawn sawi pawh chu a thlen laiin a nuihzatthlak zual ngawt ang!
A ba ba....
A va han nuihzatthlak, min tihlim kher mai tihna a nih hi :)
@samuelapa, A ba ba! A va lawmawm ve! tihna a nih hi :-)
Zarkawt ho poh hi an changkang toh khops maia Upa hoin Sakramental Wine an han sema a theni "A hang a awm em" an ti a Nula lamin "Red nge White" an ti a Pa valai lamin "sparkling white lo chu" an ti ve boks 8)
Post a Comment