Titi
Lunglei leh Lawngtlai inkara khaw pakhat chu 'kawn thu khua' an ti mauh mai! He khua hi kei pawn ka tlan pel ve fo thin a, thlasik lai chuan an sawi ang tak tak hian a pui apang, a lian a te, kawnah nilum aiin an lo thu khup thin. Nilum ai ho chuan engnge an tih bera i rin? Chhan a har vak lo, an titi! 'Kawn thu veng' tia koh ve kher lem loh, hetianga nilum ai paha titi thin khua hi Mizoramah an thahnem fu ang. Tuntum chu kei pawh nilum hnung puak chungin khaw nge titi phungleng ka'n vawrh teh ang!
Tapchhak zawl titi, pum titi, kawtchhuah titi, nula rim titi, thlan lai titi, khawhar in titi, e khai kan va titi nasa teh lul em! Mizo nunah khawi hmun mai pawh hi titina hmun a ni ta mai emaw tih tur a ni. Khawhar lenpuinaah pawh kan titi luih luih a, kan nui hluah hluah thei zel mai. Mizo kristian hmasa te pawh kha inkhawmnaah pawh an titi leh luai luai thin an ti.
Ram a han buai a, takchhak zawlah, lungthu tlawh chhanin Indira Gandhi, India sipai, Assam sorkar, UNO leh Arakan tih vel kha an han sep kual vel ta thin a nia! A 'effective' dan tak hre chiah lo mah i la, ropui ve tak chu a ni hrim hrim mai. Thingtlang pa berh ve te emaw tih pawh hi an han titi tak tak chuan politics chungchang te hi sawi tur an lo hre ril phian zel reng a ni.
Khawiah pawh hian titi thiam bik hi an lo awm zel a, an bula awm pawh a nuam phian zel. Vawi khat chu kan khua hian, a tia lawm kan thian pa'n, sangha tlang vuak kan nei a. A tukah chuan kawtchhuaha nilum ai pahin kan thu khawm leh a. Kan khaw titi thiam chuan kan sangha tlang vuak chanchin chu a han sawi tak tak mai a leh! Kal ve vek e ti lo chuan ngaihnawm ti em em hian kan ngaithla thup mai a ni, a ti. Pun khawm nikhua hian pa titi thiam deuh chu khawilai kilkhatah emaw hian an bial laih laih chawk a ni.
Titi thiam leh lutuk pawh hi a awm ve thei tho awm mang e ka ti. Pa pakhat pawh hian Japan ral beih thu kha a sawi a. "Chutia hnim pik kara ka kun phei lai tak chuan ka chal darah tak mai hian a rawn verh siah mai a. Ka let tawp mai a. Ka thinrim lutuk chuan 'engnge ni na vei' tiin ka bawh phei ve ta a. Ka lailung dawt chuan a thin hnunah tak mai ka'n vit thawih mai a, a then nawi nawi mai a ni,' a ti e," an ti!
'Mizo mipa an titi khawm a, an nuih dur dur tawh chuan zahmawh an sawi a ni duh phian,' tih hi a dik thui viau em aw, ka ti. Heti lam sawi hi nuam kan ti phian mai. Tun hnaiah pawh Mizo zaithiam lar pakhat sex video put ru chungchang Mizo website hrang hrangah tarlan a ni a. Internet-a titi pha, Mizo zingah rau rau pawh 'intellectual'-a ngaih te meuh pawhin he thilin 'legal, social, theological, ethical issue' a rawn hrinchhuah sawi tur tam tak a awm laiin a zahmawh lam hawi kha sawi nuam kan tih a ni tlangpui tlat a ni.
Mizote tluka titi nuam ti hi khawvelah an tam bik lo hial ang. Kan tawng hmang hrim hrim hi a 'monologue' lem lo va, a 'dialogue' em em a ni, ti i la a dik ber awm e. Missionary te an lo chhuah pawh khan pakhatin thusawi a, ngaihthlak ngat ngat kha an thiam reng reng lo. Thusawi laiin 'I neck-tie kha engzat man nge?' tih mai mai kha an zawt an zawt mai a ni. Titi hnam kan nihna khan kawng leh lamah chuan chanchintha a ti darh chak hlauh thung. Sapho pawh khan 'Vawi khat sawi tawh chuan an sawi darh zung zung mai a ni' an ti.
Titi hi a tha zawng leh a chhe zawnga hman theih ve ve niin a lang. Mi dang pawisawi zawng leh ngaihthlak hrehawm zawnga titi loh tum hram i la, that tlanna tur leh thil tangkai pawchhuak zawngin titi uar i la a tha ngawt ang.
'A thilmak tih zawng zawng thu chu titi rawh u' kan Bible-in a tih ang khan Pathian thu te pawh hi titi nan hmang tam i la, kan tisual lo tawp ang le! Tuichhunchhuah bula Samari hmeichhia leh Emau kawnga thian duh pahnih Isua nena titi te pawh kha rilruin a hre chhuak rum rum mai!
Tapchhak zawl titi, pum titi, kawtchhuah titi, nula rim titi, thlan lai titi, khawhar in titi, e khai kan va titi nasa teh lul em! Mizo nunah khawi hmun mai pawh hi titina hmun a ni ta mai emaw tih tur a ni. Khawhar lenpuinaah pawh kan titi luih luih a, kan nui hluah hluah thei zel mai. Mizo kristian hmasa te pawh kha inkhawmnaah pawh an titi leh luai luai thin an ti.
Ram a han buai a, takchhak zawlah, lungthu tlawh chhanin Indira Gandhi, India sipai, Assam sorkar, UNO leh Arakan tih vel kha an han sep kual vel ta thin a nia! A 'effective' dan tak hre chiah lo mah i la, ropui ve tak chu a ni hrim hrim mai. Thingtlang pa berh ve te emaw tih pawh hi an han titi tak tak chuan politics chungchang te hi sawi tur an lo hre ril phian zel reng a ni.
Khawiah pawh hian titi thiam bik hi an lo awm zel a, an bula awm pawh a nuam phian zel. Vawi khat chu kan khua hian, a tia lawm kan thian pa'n, sangha tlang vuak kan nei a. A tukah chuan kawtchhuaha nilum ai pahin kan thu khawm leh a. Kan khaw titi thiam chuan kan sangha tlang vuak chanchin chu a han sawi tak tak mai a leh! Kal ve vek e ti lo chuan ngaihnawm ti em em hian kan ngaithla thup mai a ni, a ti. Pun khawm nikhua hian pa titi thiam deuh chu khawilai kilkhatah emaw hian an bial laih laih chawk a ni.
Titi thiam leh lutuk pawh hi a awm ve thei tho awm mang e ka ti. Pa pakhat pawh hian Japan ral beih thu kha a sawi a. "Chutia hnim pik kara ka kun phei lai tak chuan ka chal darah tak mai hian a rawn verh siah mai a. Ka let tawp mai a. Ka thinrim lutuk chuan 'engnge ni na vei' tiin ka bawh phei ve ta a. Ka lailung dawt chuan a thin hnunah tak mai ka'n vit thawih mai a, a then nawi nawi mai a ni,' a ti e," an ti!
'Mizo mipa an titi khawm a, an nuih dur dur tawh chuan zahmawh an sawi a ni duh phian,' tih hi a dik thui viau em aw, ka ti. Heti lam sawi hi nuam kan ti phian mai. Tun hnaiah pawh Mizo zaithiam lar pakhat sex video put ru chungchang Mizo website hrang hrangah tarlan a ni a. Internet-a titi pha, Mizo zingah rau rau pawh 'intellectual'-a ngaih te meuh pawhin he thilin 'legal, social, theological, ethical issue' a rawn hrinchhuah sawi tur tam tak a awm laiin a zahmawh lam hawi kha sawi nuam kan tih a ni tlangpui tlat a ni.
Mizote tluka titi nuam ti hi khawvelah an tam bik lo hial ang. Kan tawng hmang hrim hrim hi a 'monologue' lem lo va, a 'dialogue' em em a ni, ti i la a dik ber awm e. Missionary te an lo chhuah pawh khan pakhatin thusawi a, ngaihthlak ngat ngat kha an thiam reng reng lo. Thusawi laiin 'I neck-tie kha engzat man nge?' tih mai mai kha an zawt an zawt mai a ni. Titi hnam kan nihna khan kawng leh lamah chuan chanchintha a ti darh chak hlauh thung. Sapho pawh khan 'Vawi khat sawi tawh chuan an sawi darh zung zung mai a ni' an ti.
Titi hi a tha zawng leh a chhe zawnga hman theih ve ve niin a lang. Mi dang pawisawi zawng leh ngaihthlak hrehawm zawnga titi loh tum hram i la, that tlanna tur leh thil tangkai pawchhuak zawngin titi uar i la a tha ngawt ang.
'A thilmak tih zawng zawng thu chu titi rawh u' kan Bible-in a tih ang khan Pathian thu te pawh hi titi nan hmang tam i la, kan tisual lo tawp ang le! Tuichhunchhuah bula Samari hmeichhia leh Emau kawnga thian duh pahnih Isua nena titi te pawh kha rilruin a hre chhuak rum rum mai!
24 comments:
Khawi khua tak ni ang maw Kawn Thu Khua chu...Hrangchal Kawn,Sairep,Bualte,Tawipui South,Tawipui North,Thingfal,Thingkah tih vel a awm a..khawi ber khi ni ang maw.
Titi hnam kan nihna khan kawng leh lamah chuan chanchintha a ti darh chak hlauh thung.
--Hotupa hei hi ka lo ngaihtuah thlen phak miah loh ani a, i rawn sawi takah chuan a dik ngawtin ka ring !
Titi chungchang i rawn sawi a, Mizo tawng ngei maia, Mizo fiamthu, Mizo titi sawipui tur awm miah lohna a awm tan chuan, lung i ti leng lek lek mai a!
@burgerstud, anmahnin an chhiar ve dawn lem lo bawk a, i khaw rawn sawi zinga a tawp ber khi maw le! Lawngtlai ho phuah a nia:)
@Sekibuhchhuak, ni e, close-knit society, hnam inpawh tak kan nih vang a ni pakhat a hetia kan titiho theih em em na chhan pawh hi. Mizote a hnampum a kan kristian thuai theihna hmanraw pawimawh tak pakhat chu titi hi a nih ka ring asin!
He he kei pawh hei, Mizo tawnga titipui tur awm ta lo chu mahniin ka rawn titi ta hluai a nih hi:)
Ekhai, a ngaihnawm leh pek hle mai hotupa. TITI nuam timi tak ka ni ve a. Thlan han laih vel pawh hian kotlang ti ti thiam tak tak ho an tel hian a tinuam leh zual a, kan phurh phah fo thin niin ka hria. Kan han laih tauh tauh a, kan han chawl chiah mai, ti ti thiam tak tak ho an han dak zak zak mai hi chu ngawi renga nui char char mai hi ka ching pek a.. ka hlimpui thei khawp mai.
Chutihrualin mahni hna leh tihtur thulh thaka midang ti ti emaw mi titipui emaw erawh tunlai hmasawnna leh hun hlu takah hi chuan a chi vak tawh lo a, a bik takin kan eizawnna lamah tun aia kan lo buai chhoh hunah phei chuan kan tihdan phung tam tak hi chu automatic hian kan thlak zel erawh ka beisei.
ani khawp mai..titi uar tak kan nih avang hian kan intlawh pawh nasa bawk a.."informal communication" pawh kan society ah chuan a chak khawp in a hriat..mahse thusawi chhawn leh arpan chuk an tih ang deuh in thil dik hlel deuh hlek in thu a thang duh viau...!!A that na lai a awm a..that lohna lai pawh a awm ve tho.
ni lum ai sawi tak ah chuan durtlang khi alo vawt deuh bawk nen kan naupan lai chuan nula tlangval hian Leitan chhuah chiah ah khian nilum aiin chawlhni tlai ah an thu dul thin.motor te ala tam lutuk lova a la khu vak lo bawk nen :))
Chennai awmlai kha chuan kan ti ti hnem vak lo khawp in ka hre tlat ha ha...I banner chu a va nalh ve..Gothic khawp mai a... Eng fonts nge i hman khi ka duh ve nia.
Kan Mizo A AW B hla berah pawh T ka lo thleng ta a, ka Ti Ti ta thin tih kha a ni miau a, Mizote hi chu Titi nuamti mi kan ni ngawt mai, i sawi ngaihnawm phian.
Kei pawh mi ti ti ngaihthlak mai mai te hi nuam ka ti a, ka naupan lai atang tawhin Pa-te khabe hnuaia a thiante nena an ti ti ngaithla deuh deuh thin ka nia...
Mahni-a han awm ngat phei chuan (hnam dang zingah) thiante nena duh tawka kan han ti ti berh berh thin kha ka ngai ber mai ka ti..
Hajhaha..ka nuih a hundred tawp.I sual em mai.Thingkah chu i sawi takah chuan an tam thei ka ti.Chuan Tlungvel leh Thingsul khi an tam bawk Khawlai ah.Chuan Tuipang thlen dawn ah sawn Maubawk a awm a,a piahah Theiri.Heng khaw 2 te hi kawng sir a thut te,corrom board pen te an hrat.
burgerstud2005
A ngaihnawm hle thin mai
@Puia, Thanks! Ni e titi hi chu a nuam a ni e tiraw hotupa. Thlanlaih sawi takah chuan lai miah lo va a kotlanga titi ral thak hi an awm ve fo nia! I sawi ang hian tangkai mang hlei lova titi nana hun khawhral chiam chiam mai chu tunlaiah chuan 'a hman thlak' deuh tawh zawng a ni.
@avena, ni e, titiho bawrh bawrh thei khawpa inpawh tawn hi a thatna a tam rualin thil tul lem lo leh rinthu mai mai pawh thehdarh chiamna hmanraw chi khat hi a ni ve a. Hman thiam zawng a ngai ngawt mai. Kawna nilum ai pha lova kan awm te hi a vanduaithlak letling te chuan ka hre bawk ka ti hotupa!
@fel_feltea, titi bawrh bawrh tur hi chuan a boruak te hian a zir a ngai ve deuh bawk a ni! A 'tititu' ai chuan a ngaithlatu nih hi ka thiam zawk ve hrim hrim a... I ti lawmawm e. Ka banner font khi 'sidewalk' a nia, i duh chuan ka la pe ve dawn che nia
@Varte, i lo lenglut a ka lawm hle mai. Keipawh farnute rawn rimtu tlangvalho titina kotlanga lo dak ve ker thin naupang ka ni thin a lawm! Titi thiam lo, ngaihthlak thiam zawk ni mah i la, i sawi ang hian mahni tawnga titipui bawrh bawrh tur an han awm tak lohvah chuan a lo khawharthlak thei viau mai ka ti kei pawh.
@burgerstud, he he! a 'hundred' lai tak hian ka nuih a ti hundred lutuk:)) Thingkah kawnah chuan ka titi ve nek tawh asin kei pawh! Nang nen hi chuan Chhimtuipui leh a chheh vel saw sawi dun i la, kan titi thui thei viau dawnin a lang!
@CHHUNGAPA, teh hlawl che chuan... han ti ngawt i la, Chhunga Pa ka hriat kha i ni ang chu maw! I internet a chiangkuang deuh tawh em ni chu le:) Professor meuhvin ngaihnawm in han ti chu a lawmawm dangdai hle mai!
A va'n hit reuh e. Keipawhin titi hi chu ka thiamlo hle nain a nuam ka ti. Thian te nen thil dang vak ti lo pawh hian titi ringawtin zan rei tak tak thleng hi chu kan meng ve fo mai. A ngaihnawm e
@Geminiboyz, thanks! Mut paha thianzaho han titi phei chuan tlaivar mai te hi zu har hauh lo va! Hlim taka thianzaho kan titi thei te hi Pathian malsawmna a lo ni e.
Min rawn mail mai rawh aw
hehehe hotupa tiang te hi chu Mizo mipa chauh kan ni hlei nem, mipa hrim hrim hi chu, mipa hlang an nih tawh phawt hi chuan zahmawh lam hi kan sawi lo theilo. Vai leh sap te pawh ka lo kawm ve hnem tawha, an dangna engmah a awmlo :-)
Ps. keipawh i font khi min lo mail ve mai mai, i mail rualin. Thanx in advance :-)
Mizo society ah titithiam hian pawimawhna tak an nei ve asin..!
@fel_feltea, aw le.
@illusionaire, ni e hotupa, i sawi hi ka pawmpui khawp mai che. Ka thanlenna boruak avang nge ni, zahmawh ngialngan hi vawikhatmah ka la sawi lovin ka hria. Sawi vak kha a tangkaina em em lah ka hre hek law' :-))Font chu ni e, hotuten in tih chuan ka la rawn thawn mawlh ang che.
@EPISTEMOLOGY, a dik khawp mai. Khaw khat titi tiam te ngat phei chu 'public figure' an ni ber mai maw le!
Hotupa, i titi a ngaihnawm hle mai. Titi thiam tak i ni. titi thiam tak ni tur chuan mi titi ngaihthlak hnem a ngai ve tho chuan ka ring. Kan thianpa pakhat (A hming chu Lawmzual a ni tih sawi kher lo ila) chu a'n ngawichawi khawp a. Darkar 2 vel thianzahoa kan han titi pawh hian, a lo thu ngawi ve reng thin a, 'Ni e,' hi a lo ti leh bauh thin a. Titi nuamti ber pawl a ni ve ziah tho a!!
A pahnih khian aw
@Zaia, e i ti lawmawm e hotupa, titi thiama sawi hi ka ni ngai lo teh asin! In thianpa chu Lawmzuala a nintih hre kher lo mah i la, a ngawichawi ve awm hle tak mai a:) Kan thawhpuinu madagascar atanga lo kal ve thung hi chu a'n tawng duh biah biah khawp a, a tawng thiam lo ber titi ngaithla hian kan beng kan dawh thap zel mai maw le!
@fel_feltea, ka rawn thawn kha. Lo ti common chiam lo la...
High school kan kal lai pawh khan thlasik ah chuan school building chungah hian kan vai tih theih deuh thaw hian nilum kan ai thin... Lung te pawh a ti leng alawm.
Kei chu titi ah chuan nupa a khum laizawl a titi mai mai hi a nawm hmel ka ti ber :)
@Tetea, a huhova nilum ai chu a nawm dawn chu maw le! Lung tileng tham a ni ngawt tak mai..
@vana, he he, dik fu ang!
Post a Comment