My Editorial - I
Tumahin kan hnial theih loh hringnuna thil thleng mek leh la thleng zel tur chu, “Miin a theh apiang, chumi vek chu a seng bawk dawn si a,” tih kan Bible-in a sawi hi a ni.
Kum 2008 January thla chu a zatve dawn kan lo hmang ral leh ta. Krismas leh Kumthar chawlh te hmangin hun eng emaw chen kan hahchawl a. Tunah chuan thawh hun a lo ni leh ta. Rilru nei leh mi puitling tan chuan kum tawpa a rah seng tur thlir ran chunga thahnemngaihna tih thar leh hun a ni.
Hlawhtlinna leh lei lam malsawmna kan dawn hian, “Pathian malsawmna liau liau a ni,” tiin kan sawi thin. Hei hi a dik hle. Amaherawhchu thil pakhat kan hriat tel ngei ngei tur a awm: mi a lo hlawhtlin hian a ‘tuh rah’ a seng a, a thawhrim man a tel a ni, tih hi.
Pathian malsawmna, hlawhtlinna kan tihah te hian mihring a tel a. ‘Hnathawktu’ mihring a awm chawk. Engmah ti lo, mi thuthluang mai mai hi Pathianin MA a pass tir ngawt lo vang a, lo vat peih lo leh hlo thlo peih lo hi Pathianin buh phur 100 a thar tir ngawt lo vang tih dik takin kan hre si a.
(Chhimbal, An official organ of Chennai Mizo Welfare Association, Vol. X No.2, Jan 13, 2007)
12 comments:
Chhimbal chu va ngaihawm ve maw le...
Nice read! Ni e, mi hlawhtlingte kan hmuh hian Hlawhtling tur a an thawhrimna te hi kan hmuh hmaih fo thin ni te hian a hriat!
ngaihnawm khawp mai hotupa
Kan tuhrah kan seng tih hi hringnunah chuan a dik lehzual ngawt mai. Mo koham leh hlemhle te hi a hring a hrangi an tuhrah sengin hmuh lem lo mah ila, eng emaw kawng zawng tal hian hremna an pum pelh loh tur hi an lo tawk ve fo bawk a. Chu chu he lei anchhia hian a kentel tlat thil niin ka hmu. Sakhua leh society rinna lam pawh ni chiahin ka hre lo.
A ngaihnawm narawh e hotupa..
fel_feltea, Chhimbal avanga ka tlaivar zat pawh hi ka chhiar seng pek lo! Nangni "assistants" rinawm te avang khan kan chhuah thei chauh a ni ber e! Ni e, a ngaihawm khawp mai.
@Sekibuhchhuak, avena, Puia, e khai kan hotute in ti lawmawm liam liam thin e! A ti mi ve ang hrim hian Chanchinbu hi ka enkawl lawr ve ta zut a. Ka editorial, soft copy ka neih chhun Chhimbal ami ka rawn thur chhuak a nih hi. Rawn ti zeuh zeuh vang:)
Ni e, a chhe zawng leh a tha zawng pawhin kan thawhrim rah hi kan seng mek zel a. Thuthluang ringawt chu Pathian pawhin mal a sawm chiam chiam lovang tih pawh a chiang e.
Bible-a hmeichhe rimtui sawhkeh tu, Isuan, 'A tih theih tawk a ti a ni...' a tih chuangchang kha heti hian D.L. Moody-an a sawi a: "He hmeichhia hian a Lalpa tan a tih theih tawk a ti a ni, tih hi a thlanlungah ziak i la, thlanlung ziak ropui ber a ni ang," a ti. "Tih theih tawk" hi kawng engkimah a va pawimawh em!
Great read!!
Hnathawhmai ah pawh a nilo, intanpuina ah pawh hian Pathian a in nghat chung hian, keini mihring pawn tih tur kan nei ve. Heihi mi tam tak hian an theihnghilh fo in ka hria. Intanpuina ah pawn kan tih theih tawk tih vek a ngai.
Mipa pakhat tuilian a tang pawh kha, Lalpa hnenah tanpui a dil a, chuan lawng pakhat a rawn kal a, "eee min lo tanpui su, ka Lal in mi rawn tanpui ang" a tia, chuan lawng pahnih dang an rawn kal leh a, chungtiang bawkin a sawi leh a. A hnu ah chuan a pil ta a, Vanram a thleng chuan Lalpa hnenah, "Ka Pathian, natinge min tanpui loh" a tia, Pathian chuan, "Lawng pathum ka rawn tirh kha" a ti.
I thlalak ho hi kan en kan en a Bike a han lim kual vel ka chak thar thut nia ha ha...
@illusionaire, thanks! I thu rawn sawi hian awmzia a nei thuk takzet mai. "God helps those who helps themselves" tih te pawh a awm kha maw le!
@fel_feltea, bike-a lim kual hi chak tur a lo ni lo, mitthi khua hi a hla lo teh a nia:-) I bike thar te kha i lo chetsualpui ang e, ka rawn haw hunah ka mamawh dawn a nia...
Kei ai chuan ka pa hian a khalh hnem zawk office ah a keng ngat2 mai
Chanchinbu enkawl hi hahthlak khawp mai, hman deuh khan Hyderabad Mizo Christian Fellowship chanchinbu ka enkawl thin a..! Zan mut loh a tam duh khawp mai.
@M, Hruaitea a va awl awm ve chuti chu...
@hruaia, ni e chanchinbu enkawl chu hah fal hi a ngai reng mai a ni. Calcutta (a la nia!) kan awm lai khan 'Kolkata' kha ka enkawl bawk a, typewriter in kan chhu a, Sunday inkhawma sem hman turin cyclostyle-in hmun dangah kan her tir leh a, a hautak lehzual khawp mai. I tlaivar ve nual ang tih chu ka hrethiam mai e:)
Post a Comment