Kohhran: A nuihzatthlak lam bawk
Ho huangah lehzel hi chuan thuhma nei miah tawh lo teh ang!
Hla thlang sual
Beihrual lai a ni a. Durtlang kohhrana Upa bial pakhatah chuan Pro. Pastor -in inkhawm a kaihruai a. Ban a lo hun a, "Aw Pathian nang ngilnei ber,' tih hla kha i lo sa ang u," a'n ti ngawt pek a. An han sa ta a, tlar hnihnaah, "An inneih hriatpui la..." tih a lo ni ta si! Sa zui hlei thei lovin an nui zo ta vek e an tia lawm!
Chatuan sweet sakramen
Hman kum khan Bungtlang 'S' Pastor Bial chhunga khaw chengker tak pakhatah Bial Hmeichhe Inkhawmpui an hmang a. Pathianni chawhnua Lalpa Zanriah Sakramen theh tur an buatsaih dawn chuan chhang an lo keng theihnghilh a ni tih Pastor chuan a hrechhuak ta chauh mai a. Khatiang khuaah khan chuti maiin chhang leitur te kha a lo awm si lo. Nuhovin intihsiak lawmman atana an tih sweet mum, 'chatuan sweet' kan tih mai chi kha an han chan sawm nawk nawk a, chhang atan chuan an hmang ta ringawt mai a ni.
Pastor chuan sakramen chu a han theh ta a. Khunkhan tak mai hian a bei a, sweet chu lek paha "Chhang chu a la a..." a'n ti chhoh lai te chuan thenkhat chu an insum zo lo tan tawh reng a. Dawhkan dinhualtu Upaho chu a han sem kual a. Chutah, "I lo ei ang u," a han ti a. Reh thep thawp lai chuan Upa ho chuan 'chhang' chu an han thial ri ta rep rep mai a. A kiltu Upa pakhat insum zo lo chuan, "Hi hi hiii!" a rawn ti ta mai! Mipui lam pawh chu an nui ta hum hum a!
Nilai thupui zir tui
Kohhran pakhat (a hming chu sawi lo i la)-ah hian Nilai thupui kha an han tuipui khawp mai a. Kum khat zir tura buatsaih kha thla thum chhungin an zir zo der! Zirlai pakhat an han zo kha, "A... a ngaihnawm em mai, a dang kha ti leh law law ang," an ti zel a, rin aia hmain an zo ta mai a ni awm e!
Kan tlin tawk
Hei pawh hi a kohhran hming thup leh ang! Kohhran member tlemte an ni a. Vawi khat chu Pastor-in an kohhran a tlawh a. Sunday School hunah chuan zirlai bu a han zawng a, a hmu ta hauh lo mai a. Chair atang chuan, "Hei khawnge Puitling zirlai bu hi aw?" tiin Upa chu a han zawt a. Ani pek chuan, "A... kumin zirlai hi a har riau mai a, kan zo lo deuhin kan hria a. Senior department zirlai bu hi kan ring ve mai," a lo ti awlsam then a!
Inneih inkhawm dangdai
Hei pawh hi a kohhran hming thupin Saizawh 'E' kohhran i ti teh ang! Vawikhat chu Pro. Pastor-in Bru tuak khat, la naupang tak hi Upa Inah a inneihtir a lawm maw le. A tir lamah chuan a tluang chho viau a. Thu chham hun a lo thleng a, a hmeichhia zawk chu a kun tlat a, a sawi duh ta reng reng lo mai! Inneihtirtuin chham tura a han ngen leh lai chuan a pit zek a, a tlanchhuak ta daih mai a.
A chhungten an umzui... A hnu deuhvah chuan pawr fap hian an rawn inhruai lut ve leh mai a. Engtin tin emaw chuan an zo ve thei hram chu a ni awm e. Hetiang hi a thlen chawk avangin inneih inkhawm laklawh lai te hian meizuk chawlh te han neih leh rih a ngai fo an ti!
Inkhawm peih lo
Inkhawm hi peih lo nangiang ngiang chu a lo awm theih dawn khawp mai. Mizoram khawthlang lama kohhran pakhat pawh hi kohhran indang tir an nih avangin Biak In an la nei lo va. Kohhran member pakhat Inah an inkhawm thin a. An inkhawmna In neitupa ber chu inkhawm peih lo em em mai hi a ni a. Zan khat pawh inkhawm tan hun tawhah hian tapchhakah mipui lam hnungchhawnin a thu khur mai a. 'Hotupa, ti rawh le, tan a hun ta e,' an han ti thin a, 'Ka inkhawm peih lo,' zu ti tlat a! Han hawi let zeuh se a inkhawm ni mai tur!
Hlaaaa Buuuuu!
A tawp nan Kawnpui lam i'n hawi daih teh ang. Kohhran pakhatah hian Upa khunkhan deuh mai, kohhranho ti hlim thei viau lawi si hi a awm a. 'Pathian thu' tihte pawh hi 'Pathian thuuuuu' tiin a thluk duai thin. Vawikhat chu inkhawm a hruai a. Kristian Hlabu-a thuchhiar inchhawn (responsive reading) hi chhiar turin a rawn dinchhuahpui a. Hlabu chu a'n keu va, "Hlaaaaa..." a'n ti hluai a, mahse hla a ni lo tih a hre leh si. Chutah a ngawi vang vang a, khawk rum rumin, "Buuuuuuuu..." a'n ti leh hluai mai chu, mipuiin insum har an ti ngei mai.
Hla thlang sual
Beihrual lai a ni a. Durtlang kohhrana Upa bial pakhatah chuan Pro. Pastor -in inkhawm a kaihruai a. Ban a lo hun a, "Aw Pathian nang ngilnei ber,' tih hla kha i lo sa ang u," a'n ti ngawt pek a. An han sa ta a, tlar hnihnaah, "An inneih hriatpui la..." tih a lo ni ta si! Sa zui hlei thei lovin an nui zo ta vek e an tia lawm!
Chatuan sweet sakramen
Hman kum khan Bungtlang 'S' Pastor Bial chhunga khaw chengker tak pakhatah Bial Hmeichhe Inkhawmpui an hmang a. Pathianni chawhnua Lalpa Zanriah Sakramen theh tur an buatsaih dawn chuan chhang an lo keng theihnghilh a ni tih Pastor chuan a hrechhuak ta chauh mai a. Khatiang khuaah khan chuti maiin chhang leitur te kha a lo awm si lo. Nuhovin intihsiak lawmman atana an tih sweet mum, 'chatuan sweet' kan tih mai chi kha an han chan sawm nawk nawk a, chhang atan chuan an hmang ta ringawt mai a ni.
Pastor chuan sakramen chu a han theh ta a. Khunkhan tak mai hian a bei a, sweet chu lek paha "Chhang chu a la a..." a'n ti chhoh lai te chuan thenkhat chu an insum zo lo tan tawh reng a. Dawhkan dinhualtu Upaho chu a han sem kual a. Chutah, "I lo ei ang u," a han ti a. Reh thep thawp lai chuan Upa ho chuan 'chhang' chu an han thial ri ta rep rep mai a. A kiltu Upa pakhat insum zo lo chuan, "Hi hi hiii!" a rawn ti ta mai! Mipui lam pawh chu an nui ta hum hum a!
Nilai thupui zir tui
Kohhran pakhat (a hming chu sawi lo i la)-ah hian Nilai thupui kha an han tuipui khawp mai a. Kum khat zir tura buatsaih kha thla thum chhungin an zir zo der! Zirlai pakhat an han zo kha, "A... a ngaihnawm em mai, a dang kha ti leh law law ang," an ti zel a, rin aia hmain an zo ta mai a ni awm e!
Kan tlin tawk
Hei pawh hi a kohhran hming thup leh ang! Kohhran member tlemte an ni a. Vawi khat chu Pastor-in an kohhran a tlawh a. Sunday School hunah chuan zirlai bu a han zawng a, a hmu ta hauh lo mai a. Chair atang chuan, "Hei khawnge Puitling zirlai bu hi aw?" tiin Upa chu a han zawt a. Ani pek chuan, "A... kumin zirlai hi a har riau mai a, kan zo lo deuhin kan hria a. Senior department zirlai bu hi kan ring ve mai," a lo ti awlsam then a!
Inneih inkhawm dangdai
Hei pawh hi a kohhran hming thupin Saizawh 'E' kohhran i ti teh ang! Vawikhat chu Pro. Pastor-in Bru tuak khat, la naupang tak hi Upa Inah a inneihtir a lawm maw le. A tir lamah chuan a tluang chho viau a. Thu chham hun a lo thleng a, a hmeichhia zawk chu a kun tlat a, a sawi duh ta reng reng lo mai! Inneihtirtuin chham tura a han ngen leh lai chuan a pit zek a, a tlanchhuak ta daih mai a.
A chhungten an umzui... A hnu deuhvah chuan pawr fap hian an rawn inhruai lut ve leh mai a. Engtin tin emaw chuan an zo ve thei hram chu a ni awm e. Hetiang hi a thlen chawk avangin inneih inkhawm laklawh lai te hian meizuk chawlh te han neih leh rih a ngai fo an ti!
Inkhawm peih lo
Inkhawm hi peih lo nangiang ngiang chu a lo awm theih dawn khawp mai. Mizoram khawthlang lama kohhran pakhat pawh hi kohhran indang tir an nih avangin Biak In an la nei lo va. Kohhran member pakhat Inah an inkhawm thin a. An inkhawmna In neitupa ber chu inkhawm peih lo em em mai hi a ni a. Zan khat pawh inkhawm tan hun tawhah hian tapchhakah mipui lam hnungchhawnin a thu khur mai a. 'Hotupa, ti rawh le, tan a hun ta e,' an han ti thin a, 'Ka inkhawm peih lo,' zu ti tlat a! Han hawi let zeuh se a inkhawm ni mai tur!
Hlaaaa Buuuuu!
A tawp nan Kawnpui lam i'n hawi daih teh ang. Kohhran pakhatah hian Upa khunkhan deuh mai, kohhranho ti hlim thei viau lawi si hi a awm a. 'Pathian thu' tihte pawh hi 'Pathian thuuuuu' tiin a thluk duai thin. Vawikhat chu inkhawm a hruai a. Kristian Hlabu-a thuchhiar inchhawn (responsive reading) hi chhiar turin a rawn dinchhuahpui a. Hlabu chu a'n keu va, "Hlaaaaa..." a'n ti hluai a, mahse hla a ni lo tih a hre leh si. Chutah a ngawi vang vang a, khawk rum rumin, "Buuuuuuuu..." a'n ti leh hluai mai chu, mipuiin insum har an ti ngei mai.
16 comments:
'Ho huang'- ngaihnawm thei phian a. Chhungkhat pa ber, study room-a han khek vak vak thu awm si lo; sen deuh truna chhuah a tam mai.
Thu sawi lai hian a lo mutthluk theih niawmin an sawi tlat- Pastor pakhat pawh, an tia lawm, 'Pathian Hmangaihna' tih a sawi a, engnge a sawi pawh a hriat loh lai khan nu pakhat hi a rawn 'Halelui' piap mai a, chu chuan a ti harh ta thut mai a, "Khatiang tur reng kha a ni" a'n tih chhunzawm ve ngawt a. A rawn halelui chhan kha a hriat chian leh chiah si loh avangin thui fe chu 'Halelui' thupui hmangin a sermon a 'modi' vel maw le.
HOtupa, a va ngaihnawmin min va ti nui nasa ve. Kohhran chanchin ah hian nuihzatthlak tak tak a tam mai a, compile chi a niin ka hria :)
Hotupa, ngaihnawmin hlimawm hle mai :-D
Durtlang Vengthar a, Pu Lalranga pawh kha sunday zan a thusawi tur, pulpita arawn dingchhuak kha, tunlai chu ka hul em a, sawi tur pawh ka hre lo ati a. Bible a chhiar a, ban hla athlang nghal mai a .. :-)
Upa Khuanghrima( Fam ) pawh khan chanchin sawi tur a ngah khawp mai :-) Hmanni khan a boral nghe nghe a, i lo hre tawh e maw ? !
@CHHUNGAPA, e khai unaupa khek uar uar mai tur a lawm, pawi re re lo:)) I rawn thawh belh pawh chu a va common lo ve:)
@vana, he he hotupa i lo hlimpui ve chu a va lawmawm em! Nia, hmanah kohhrana thil thleng nuihzatthlak lakkhawmna bu 'Bishop's Jokes' tih ka chhiar tawh a. Mizo pawh hian hetiang lam chi hi kan ngah a ni tih ka hria a. Ka tawn leh mi min hrilh te ka han theh chhuak ta nual a nih hi. A bua chhuah tham zet zawng a awm ve ngei ang.
@Sekibuhchhuak, a lawmawm e! Durtlang lam chanchin hi kei pawh sawi tur ka hre nual asin:) Upa Khuanghrima kha ni e, chanchin sawi tur chu a ngah ve ngawt tak mai. A thih thu chu ka lo la hre hauh hlei nem. A va pawi ve le aw! Mi kha a ngaina der ve thin a, kan inkawm ngeih viau asin... Muangin chawl mawlh rawh se
Haha! Inkhawm peih loh theih awm hle tak mai! Naupan laia kan kawmthlangpa pawh, a inkhawm peih lo ngang mai. Thutthlengah hian a mu kawm ngal mai a. A inkhawm ka hre ngai lova, a zai pawh vawikhat mah ka hre lo. Sahdah hmuam pawng ang per pawr hian, 'Kum khatah hian inkhawm vawikhat awm se, chu pawh hmeichhe inkhawm ni se,' a ti a. Ama tihchhuah chu a ni lo maithei a, kan naupan lai kha chuan ama tihchhuah emaw kan ti male!
Thla hmasa Nilai zan zankhat chu, kan Kohhran upa pakhatin a hruai a. Haihawt ve zet mai hi a ni a. Ban dawnah khan, hla a thlang a, 'Kan sak zawhah kan Pro-Pastor Malsawmnaa min tin turin kan sawm dawn nia,' a ti ve mai a. Hla kan sa zo, ngawi rengin Pro-a kha a rawn phei, ani kan Upa khan hmu tawh hek lo, a theihnghilh a ni chek ang, 'I lo tawngtai ang u,' a ti a! Kan Pro-pastor pawh chuan Pulpit-ah Lal Tawngtaina a han sawi a ni ta ringawt a!!
Hotupa nge nge, vitamin min pe hnem leh ta e. Muk deuh run lam chhiar kara hetiang i'n thawh leh zauh thin hian min tiharh thin.
Kohhran upa inhmuam up tak tak pawh hi an che phelh ve phing pheng thei tho a, a hlimawm bik riau thin asin.
Ka Pute-a pawh Kohhran Secretary a ni ve ngei a, inkhawmna-ah tawngtai a ngai ve fo, a ti mi lo ve nasa mai. Vawi khat a tawngtai chu a chham a chham a, a sawi hnu kha a sawi ta mai, a sawi tawh tih a hre leh si, ",.... kan rawn dil leh a che" a ti ta tawp a, amah pawh a nuih a za khawp mai
"Hla thlang sual"..he thil ah hi chuan tunge Pro-pastor hla thlang sual tur awm chu rin dan ka nei ...hotupa..hihi..durtlang ah hian pro-pastor hi an dah khat ang reng khawp mai a....che chhe ngai miah lo tur hmel pu te pawh in chetchhiat chang chu IN lo nei ve tih na em ni??... hotupa :))
@Zaia, hehe! I sawi ang thuak hi ka hre tawh. Upa pahnih, hming tawp lama 'khuma' tih awm ve ve hi kan nei thin a. Chairman in malsawmna sawi turin pakhat zawk chu a sawm a, zai zawhah a sawm loh zawk chuan a rawn sawi khalh daih maw le. A beng kha a tha chiah lo bawk a:) Vitamin hi nia ei ve zeuh zeuh a tha a nia:)
@Varte, ni e, chetchhiat hi inkhawm a urhsun zawh poh leh a nuihzatthlak ting mai leh nghal a! 'Ka rawn dil leh a che...' hahaha! a tuam mawi thiam khawp a lawm chu:)
@avena, e khai hotupa keini te chu a bu ang thlap mai maw le kan nih le:)) Mi te hi in han ringhlel ta ngawt thin a:)
hahaha... nuihzathlak hlawm khawp mai Hotupa. Ka chunga comment tu te pawh kan en vawng vawng khian, Kohhran mi vek an nia, an ni tak ngial pawn ngaihnawm an ti bawka, kan hlimna hi chu a van lo in ang hlawm tak em :-)
"Han hawi let zeuh se a inkhawm ni mai tur!" khi ka duh best. Ni e, ngaihtuah chuan, a lo awlsam a sin han inkhawm khi. Lehlam a la hawi lui tralh khi ka lawm leh zual. :D
Lolzzz...a bul atang a tawp thlengin nuihna hlir anih hi mawle... :D
Hahaha:) kan khua ah pawh thusawi tu in thu a sawi rei lutuk a zan inkhawm na ah a sawi zawh pah in ban hla a thlang zui a kan inkhawm kaihruai tu pa khan alo ning ngang aniang thusawi tu Pulpit atanga a chhuk rual in.Ummm ban hla sak sak angai lo Lal tawngtai na sawi nghal ang tih leh "Kan Pa" tih chu a chhun zawm nghal zat mai alawm!An in ngam ve khawp mai.:)
@illusionaire, hehe! Ni e, kan hlimpui zawng hi a lo inang thei viau zel dawn a lo ni! Inkhawm peih lo laklawh tawh chu heti tlat hi maw le!
@chhangte_ll, i lo leng lut chu ka lawm hle mai. I blog pawh hi ka chhiar fo a nia. Thanks for the comment!
@axlroost, hahaha! In khaw upa pawh chu a va che common lo ve aw! Heti lam hi han thawh khawm i la zankhuaa nuihna tur chu a awm hrim hrim ang maw le! I lo lenglut ve chu ka lawm hle mai.
Ka nui nasa khawp mai. Inneih Inkhawm-ah khian Thianpate Innei.. 'A remlohna hria in awm em?' "Awmlo aniang" tih vel kha ava tarlan chi awm ve.
Tin, Pastor Muthlu harh thut tawngtai ve chiam te kha... hahaha..
Hotupa, update lohna a va rei ta ve.. lung a leng hle mai..
BLog chiar chunzawm zel a va chakawm ta ve...
A va ngaihnawm ve, chhiar a nuam khop mai.
Post a Comment