Krismas Chibai
Kum 1997 Krismas kha Calcutta-ah ka hmang a. Chuta ka lungleng pheng chuan Mizoram House-a thawk kan thiannu Apuii cassette bawm ka va hai a. Anne Murray Christmas album nalh mangkheng mai chu ka va hmuchhuak hlauh mai a. Chuta nalh ka tih zualte zinga mi chu 'Christmas is Coming' tih hla hi a ni.
Chuta tanga kum riat (2005) hnu-ah chuan Lawgtlaiah Krismas ka hmang leh daih thung a. Chumi kum chuan he hla hi ka rilruah a lo thar leh a. Mahse a cassette nei ka hre mai lo. Mak deuh maiin ka thianpa Dr. Muantea'n a lo kawl hlauh mai a ni tih ka hre tlaikhawhnu a. Ka hawh ta a, kum 1997-a ka ngaihthlak Apuii cassette tho kha zu ni tlat a!
A hla thu thenkhat hi Mizo ngaihtuahna atang chuan a fiah vak lo va, mahse a lunglenthlak hle. Tichuan he hla 'idea' rilrua vawng chung si a Mizo taka siam tul tihna ka nei ta a, 'Krismas Chibai' tih hi ka bitum ve ta chawt mai a ni. Chang khatna leh a thunawn hi Lawngtlaiah a piang a, a dang zawng hi Durtlangah a piang thung.
Hei, ka u fate unauin an han sa ve a, kum 2005-a an record a ni. Zoramchhani'n hmannia a Krismas album tihchhuah tharah khan a sa bawk.
Lamhnai leh karhlaa lenrual awm zawng zawngte, hei hi in tana ka 'Krismas present' lo ni rawh se.
KRISMAS CHIBAI!
4 comments:
he hla hian 'krismas chibai' ka lo buk ve ang che..hotupa!
thanks, nangpawh le, hotupa... Hlim takin Krismas chu hmang mawlh ang che
Ekhai, mafaka chu va ril ve aw.. hlaphuah hi a awlai lo na ngiang mai lehnghal a. Lung a tileng hle mai. Belinda aw hian ka lung a tileng tlat mai pek thin a. A bik takin 'Isu i thu ka ngaihtuahin, ka lo lawm em em thin' tih hla phei chu ka ipod ah ka dah a, ka hmet chhuak zing khawp mai. 'Ka thupui ber nangmah fak hi' tih nen khan.
Kristmas a liam ta, kumthar erawh kan la hmabak, kan new year resolution te pawh hriat a chakawm hle mai.
thanks, puia. Hlim taka Krismas i hman ngei ka beisei. Ni e, hlaphuah hi a lo na mai lo khawp mai. Lung a leng a, kan han ti ve mai zawng a nia...
kumin kum lo thar tur chu 'rilru thar' tih kan sawi common tak hi ka tan chuan a 'relevant' khawp mai.
Post a Comment