Stratford-upon-Avon
Pu Siamkima'n a chanchin a ziah ka chhiar lai khan hemi hmun ngei hi ka mitin a la hmu ang a, Stratford-upon-Avon leilung ngei hi ka ke hian a la rap ve ang tih reng reng ka lo ngaihtuah thleng pha lo. Mahse chumi ni chu a lo thleng ta tlat a. Vannei hi ka inti ve em em a ni. William Shakespeare-a hi tunge a nih a, engang taka ropui nge a nih, tih hi sawi ka tum lo va, sawi tul lah ka ti hek lo. He mi ropui pianna, a tuallenna leh a thihna hmun hlimthla thenkhat tarlan ve erawh chu tihmakmawh niah ka ngai ve tlat thung a ni.
Lui hmingthang, Avon lui kamah te chuan ka han hawi ve vauh vauh a. A chhan sawi tur awm chiah si lo hian lung a'n leng ve thla ngawt bawk a!
Holy Trinity Kohhran, Shakespeare's Church an tih deuh kher chhungah chuan Shakespeare-a chu an zalh a lo ni a. Maicham thlen hma, zawl deuh duai hnuai chu a zalna hmun chu a ni. Chhinchhiahna an tar mai loh hi chu thlan a ni tih tilangtu thil dang a awm lem lo. A thlana thu inziak hi a thu a un khawp mai.
- Good frend for Iesvs sake forbeare,
- To digg the dvst encloased heare.
- Blest be ye man yt spares thes stones,
- And cvrst be he yt moves my bones.
Shakespeare-a an zalhna bul chiahah chuan a nupui, Anne Hathaway pawh an lo phum ve reng a. Kan mi ropui ruang pawh a khawhar lutuk lo vang chu. A nupui hnenah hian a khum 'tha ber dawttu' chiah a hnutchhiah a, abak a ro dang zawng zawng chu a fanu kutah a hlan vek an tia. A mak ka ti ang reng!
A baptisma channa leh a phumna chhinchhiahnate chu roh takin an lo vawng tha thlap a. A phumna Biak In chhungah chuan bangah an lo tar a.
John Shakespeare-a In, Shakespeare-a pianna hmun nia sawi chu uluk tak leh duat taka vawnthat a lo la ni a. A hun lai chuan In ropui pangngai tak zawng a ni ve ngei ang.
Kawtthler velah te chuan mipui an zi nuai nuai a. Cafe leh dawr chi hrang hrang te chu an bawr luai luai reng bawk. Heng mipui zozaite hi William Shakespeare-a avanga hmun hrang hrang atanga lo kal khawm te an ni. Chutianga mipui insulpel karah chuan kawtthler lun laiah Shakespeare play lo chang mawlh mawlh tawk an awm bawk a. A ropui dangdai hle.
11 comments:
A nih hi, a va lunglenthlakin a hmuh a va nuam si em! Ka va han kal ve chak tak - Hotupa!
Hmanah, Readers Digest-ah John Keats-a thlan fangtu pakhatin, The Glory of Keats a ziah kha ka chhiar a, tun tumah, nangin, a lem nen ngei, Shakespeare-a sulhnu i han phochhuak leh a, a ropuiin, a mi khawihdan a dang khawp mai.
Internet hi a lo tha mang e! Nangni ang te, heti mai hian kan han be thei mai che u a!
He post chu a Shakespeare raih mai a lawm hotupa :) Chuan pic ho lah khi a medeival khawp mai bawk. Shakeste-a hi chu a ngaihsan awm tiah tiah a ni. Pawl 8 kan nih khan a soliloquy (not the modern English version) ho kan by-heart nasa thei khawp mai :) Ah, memories! Keipawh a hmun hi ka thih hma chuan a tak takah ka hmu ve ngei duh.
Ka hmun visit chak ber pawl! I vannei bik hle mai! Hei ai a ka hmuh chak zawk mah chu Protestant Cemetery, Rome, Italy, Keats & Shelley te phumna hmun, anni hi Shakespeare ai chuan ka rilru ah an lang 'romantic' zawk bawk a :)
Ka va kal ve chak ve! Shakespeare-a play pawh a hmuhnawm lehzual ngawt lo maw a hmunah chuan?
Chennai a awm ho dial2 thin kha i va hmu zau tawh bik ve aw...
e khai, e khai, a va ropui danglam ve le.. Eng ti leh zawngin nge heng hmun te i lo va thlen le..? Kalna tur leh tlawh chi hi i hre khawp mai nang hi.. Ka kal ve duh ania, remchangah min la hruai ve rawh aw..
A va ropui ve, a zir a kan zir thin a hmun a hmuh chu. An khawlai vel chu a nuam hmel khawp mai.
@Zaia, khaih khaih khaih hotupa! Hetia 'click' pawh phak maia in awm hi vannei kan lo intih nak a lai a! A ropui khawp mai ni e, theihnghilh tawh loh tur thil a ni e.
@illusionaire, ni e, a khua hrim hrim hi a hlui ruih mai a, a felfai em em lawi si. Engamah hmaa lung han ti leng nghal viau thei ang chi hi a nia! He pa hi a lo ngaihsanawm a ni. A thu leh hla chu sawi loh, a pianna leh a thihna hmun ringawt pawhin ngaihhlut a hlawh em mai. La tlawh ve ngei rawh hotupa.
@Jerusha, ekhai nangni te hial in lo tei lut ve chu a va lawmawm em! Ni e, ka vannei takzet a ni. Protestant cemetery te pawh hi tlawh chakawm tak chu an ni e.
@Tetea, Shakespear-a play changtute hi pahnih chauh an ni a, ka kal lai chuan. Tihtakzetin an bei a, a hlu dangdai khawp mai.
@fel_feltea, chutia maw'n le!!!:))
@Varte, he he! Holiday remchang ka neih apiang hian nei leh nei lovin khawiah emaw ka thawk chhuak tawp zel:) Vanneihthlak tak hi a ni zel mai... Rawn zin rawh, ka lo hruai em em ang che:)
@Tluanga, ni e, Shakespear-a thu leh hla te hi hrethiam chiang mang lovin kan zir ve thin kha a nia. A hmunhma han tlawh meuh chuan a lo hlutzia a chiang leh zual ngei mai...
'Pathian Hmel' tih khu ka copy a ka chhungte ka chhiar tir ve a tha an ti khawp mai. Kan venga KTP paper ah chhuah tir ila te an ti vel a... he he
@fel_feltea, a va lawmawm ve. Chutianga han chhuah tlak em chu a ni dawn em ni aw...
Post a Comment