Information in nei em?
Kum 2003 kha a ni ta awm e. Lawngtlai Synod Bookroom-a ka lo thut lai takin nu berh ve tak pakhat, 'tui thlang' lam atanga chi seh lama lo kal chuan Bookroom chu a rawn dai lut ve hlawl a.
Dawr nghaktu chuan chhuar pakhata lehkhabu pan ang reng tak chu a rawn la chhuak a. Ka'n en chian chuan chu nu thil duh chu Pawl li zirlai bu 'Information Technology' tih chu a ni tih ka hrethiam ve ta chauh va. Chu zirlai bu chu engtik atangin nge Primary School-ah an lo zir tan ka hre lo. Lawngtlai atanga mel za zeta hla, mau tuai leh dangpuithu-a chawm len naupang te paw'n an zir mek a ni tih erawh ka hre chiang.
Hetih hun lai vel bawk hian Lawngtlai atangin khawthlang lam tlawhin ka zin chhuak a. Khawmawi-a kan missionary te'n duat takin min lo mikhual a. Ka thlenna bul Mission School chu ka tlawh turte zinga mi a ni a, exam lai a ni. Zing chaw eikham, school tan hma si chuan kawt velah naupang lehkha zir an lo ri nak nak a. Kawtah ka han chhuak a, thing zarah te chuan naupangho chu an lehkhabu nen an lo fu fer fur mai a! An thil chhiar ri chu ka han ngaithla ngun deuh va, 'Monitor, CPU, Mouse, CD-ROM...' tihte chu a rawn ri tel ta nawk nawk mai! Ka han zawt chiang a, chung Bawm naupangte chuan 'information' an exam dawn a lo ni!
Khatih hma zawnga ka ngaihtuahnaa awm lian tak thin chu, "P.U pass hnuah pawh kum nga zet riah chilh meuhvin ka inzir a, ka graduate tawh bawk a. Tuna ka thawh ang thawh nan chuan a tawk thawkhat e," tih hi a ni. Mahse heng ka thil tawn ho tak anga lang te hian eng emaw ti takin keimahah thu an sawi tlat a. Ka dam chin reilote chhung pawh hian he khawvel hi nasa takin a lo danglam hman reng tawh a ni tih leh chu khawvel danglam zel chuan thui fe min lo tlansan tawh a ni tih 'ka chiang thar' ta tlat a ni.
Chu 'chian tharna' chuan zirna sang zawk zir turin min nawr chhuak leh ta nge nge a. Ka han zir zo leh meuh chu, 'a hma' leh 'a hnu' inthlauhzia kei aia hre chiang an awm hauh lo vang le!
Khawvel hmasawnna leh changkanna vir mup mup karah kan khawsa a. Keini hmanni lawka piang te paw'n kan naupan lai hun leh tuna naupangten an hun tawng mek inthlauhzia chu nasa tak a ni tih kan hmu a ni a. Hetih lai hian kan ram hruaitu, Kohhran hruaitu, khawtlang hruaitu, etc. zingah 'rinna nghetin kawng hlui tha kha zawhin..' tih hla ang deuh va tih dan hlui sahuai thing vawn tlat mai, awmze neia thang zel turin zir belh ngai an nei a ni tih pawm hlei thei hauh lo, an hriat than khawvel bak khawvel dang a awm a ni tih hre mang hauh lo an kat nuk em aw?
Luang thli chhem nghin ang mai a 'lehlam lehlama vawrh leh len len naupang' erawh nih kan tum tur a ni lo vang a. Amaherawhchu awmze nei a thang leh hmsawn tur chuan a hunlai mila chet lak thiam a tul a. Chutiang ti thei tur chuan 'tunlai thil awmzia' hi a tawkfang tal hriat a tul thin a lo ni.
Information in nei em?
"Information in nei em?"
"Pawl engzat nge?"
"Pawl li"
"Aw, nei e"
Dawr nghaktu chuan chhuar pakhata lehkhabu pan ang reng tak chu a rawn la chhuak a. Ka'n en chian chuan chu nu thil duh chu Pawl li zirlai bu 'Information Technology' tih chu a ni tih ka hrethiam ve ta chauh va. Chu zirlai bu chu engtik atangin nge Primary School-ah an lo zir tan ka hre lo. Lawngtlai atanga mel za zeta hla, mau tuai leh dangpuithu-a chawm len naupang te paw'n an zir mek a ni tih erawh ka hre chiang.
Hetih hun lai vel bawk hian Lawngtlai atangin khawthlang lam tlawhin ka zin chhuak a. Khawmawi-a kan missionary te'n duat takin min lo mikhual a. Ka thlenna bul Mission School chu ka tlawh turte zinga mi a ni a, exam lai a ni. Zing chaw eikham, school tan hma si chuan kawt velah naupang lehkha zir an lo ri nak nak a. Kawtah ka han chhuak a, thing zarah te chuan naupangho chu an lehkhabu nen an lo fu fer fur mai a! An thil chhiar ri chu ka han ngaithla ngun deuh va, 'Monitor, CPU, Mouse, CD-ROM...' tihte chu a rawn ri tel ta nawk nawk mai! Ka han zawt chiang a, chung Bawm naupangte chuan 'information' an exam dawn a lo ni!
Khatih hma zawnga ka ngaihtuahnaa awm lian tak thin chu, "P.U pass hnuah pawh kum nga zet riah chilh meuhvin ka inzir a, ka graduate tawh bawk a. Tuna ka thawh ang thawh nan chuan a tawk thawkhat e," tih hi a ni. Mahse heng ka thil tawn ho tak anga lang te hian eng emaw ti takin keimahah thu an sawi tlat a. Ka dam chin reilote chhung pawh hian he khawvel hi nasa takin a lo danglam hman reng tawh a ni tih leh chu khawvel danglam zel chuan thui fe min lo tlansan tawh a ni tih 'ka chiang thar' ta tlat a ni.
Chu 'chian tharna' chuan zirna sang zawk zir turin min nawr chhuak leh ta nge nge a. Ka han zir zo leh meuh chu, 'a hma' leh 'a hnu' inthlauhzia kei aia hre chiang an awm hauh lo vang le!
Khawvel hmasawnna leh changkanna vir mup mup karah kan khawsa a. Keini hmanni lawka piang te paw'n kan naupan lai hun leh tuna naupangten an hun tawng mek inthlauhzia chu nasa tak a ni tih kan hmu a ni a. Hetih lai hian kan ram hruaitu, Kohhran hruaitu, khawtlang hruaitu, etc. zingah 'rinna nghetin kawng hlui tha kha zawhin..' tih hla ang deuh va tih dan hlui sahuai thing vawn tlat mai, awmze neia thang zel turin zir belh ngai an nei a ni tih pawm hlei thei hauh lo, an hriat than khawvel bak khawvel dang a awm a ni tih hre mang hauh lo an kat nuk em aw?
Luang thli chhem nghin ang mai a 'lehlam lehlama vawrh leh len len naupang' erawh nih kan tum tur a ni lo vang a. Amaherawhchu awmze nei a thang leh hmsawn tur chuan a hunlai mila chet lak thiam a tul a. Chutiang ti thei tur chuan 'tunlai thil awmzia' hi a tawkfang tal hriat a tul thin a lo ni.
Information in nei em?
12 comments:
Hoptupa, a thain, a ngaihnawmin, a dik hle mai. Sunday-ah ka chhiar lehnghal a.. :)
Sadukkai-te pawh khan an ngaihdan an sawhsawn duh lova, zirtirna thar kha an pawm duh lova, an boral phah ta a nih kha...
Kan rawngbawlna leh kan nundan pawh hi he khawvel inthlak danglam zel mila kan kalpui loh chuan 'chawthing' ei tlak loh, a' the' a ni thei mai ngei ang.
Unaupa, i ziak ngaihnawm piah lamah tun tum chu comment zirtham tak a lo lang kiau mai a, mi hawlh deuh tlat mai. Chu chu 'khawvel inthlak danglam zel mila kan kalpui loh chuan' tih lai hi a ni tlat. Khawvel inthlak danglam zel mila kan kal nasat lutuk avangin kan buai tawh ni zawk mahin ka lo hre ve thin.
@Zaia, hotupa i ti lawmawm thin e. Ni e, Bible-a Zawlneite pawh khan a hunlai thil thleng ngun taka zirin an ngaithla a, chutah a tul angin rusum an thlak ta thin a nih kha tiraw...
@CHHUNGAPA, unaupa min ti phur thiam hle thin mai. Hotupa hian 'a hunlai dinhmun thlir zel chunga thil kal pui thiam' a tul thu a sawi ni berah ka lo ngai mai a. Ni e, ka sawi ang khian thlek thlek ringawt mai chu a dik hauh lo tih a chiang a. Ka sawifiah thiam dan chu, 'a hun lai mila chet lak thiam' tih khi a ni ber mai e. 'Do not conform to this world' tihziak a nih ve bawk kha tiraw unaupa!
I sawi dik e, Khawvel thiamna sang zela kan awm mek laiin a dik leh dik lo hre tur chuan a tawk fang chu kan hriat ve a ngai, khawvel mi-te tia dem mai lo-in kawng dik lo hrilh a, a dik zawk kawh hmuh tur chuan an hriat chin, an dai chin kan dai ve zel a ngai, chutih laiin Invengin tawngtai fo rawh tih hla hi kan sak pah reng a ngai bawk a.
Hotupa, he comment ka ziah lai hian hetiang comment dang hi a awm ka ring nghal rengah! Ni e, Chhungapa sawi hi a dik chiah mai. Kan khawvel inthlak mila thalai tam tak kan kal tawh avang hian, kawng diklo zawh kan tam tawh a. Chutiang mite hruai tur chuan, 'Kan tihdan/kaldan pangngai hi a tha e,' tih reng a theih loh chin a awm tawh a; hetiang 'tackle' tur hian kan rawngbawltute pawh hi chher hriam a, 'hlui ruih' lova rawngbawlna - ka sawi thiam chiah lo; chutiang zawnga hma kan lak chu a ngai niin a lang - tihna a ni e.
Information bu chuan ngaituahna lairil a chawk tho a ni maw, a ropui e. A theory hian an zir a, practical hian an hmu pha silo, khawngaihthlak tak an ni.
"Internet hmang tawh zawng ban phar ru" ti a sawi chang hian, naupang 20% vel hian an phar ve(out of ~100). Hetiang hi kan college dinhmun a la ni tlat. Hma kan sawn chakloh zia hi ngaihtuah tham tak a ni. An fashion chu a chhuak thar ber ber ni si aw..Incheina kan sang hlur ringot mai si a. Naupang tan a free a internet access thei dan kan siam tawp dawn
@Varte, kan dan te a mawl ang anga min han pawmpui ve thin hi chu a nuam dangdai ngawt mai:) 'In venga tawngtai fo' tih lai hi a pawimawh ka ti khawp mai kei pawh.
@Zaia, hotupa i sawi tum hi ka hrethiam ve pah reng a nia:)
@vana, nia maw le, hmannni lawk la ni si, keini naupan ve lai pawha kan hriat phak reng reng loh Bru leh Bawm naupangte paw'n school-ah an lo zir reng tawh a ni tih ka'n hria khan eng thlarau emaw tak ka chang pek a lawm maw le! Hei college zirlai internet hman chungchang i sawi hian min surprise letling hle mai. Kan hmang viau tawh turah ka lo ngai asin. Free access in pek theih chuan a va tha dawn em!
@varte, kan dan te=kan ngaihdan te :-)
Ka va first time chiang ve le. A ngaihnawmin i ziak thiam khawp mai. Ka pawm zawng tak ani Information ka neiin ka hrie viai viai!!!
@VaiVa, ni e i first time chiang hle tak mai:) I lo leng a, ka lawm e. I last time a ni lo turah kan lo ngai ang:) Information neia inhriat viai viaina chiang tak i nei a ni maw.. hehe!
Bookroom Headquarters, Aizawlah chuan ni se, 'Nei lo', an ti mai thei. 'IT in nei em'? an tih chuan, 'Nei e', an ti thung ang le :)
Hehe samuelapa! Sawta kan Bookroom nghaktu saw chuan a hrethiam khawp mai... Aizawl lamah chuan ni e, an lo hrethiam ve kher lo mai thei a ni:)
Post a Comment