Khawthlang lam hrutin...
Thla la thiam ka ni lo va, kamera tha lah ka nei hek lo. Mahse ka chhuahvah apiangin he ka kamera te hi ka keng chhuak ve thla zen a. Hawina lama ka mit latu deuh chu ka kllik ve pawp pawp zel. A thlalak quality tha lem lo mahse thlalakten hriatrengna hlu tak min vawn sak hi a ngaihhlutawm ve hrim hrim mai.
Zomuantlang: Tuikuk Arbawm. He arbawm thla la tur hian ka veh nasa a nia aw!
West Phaileng: Gas changa a bur tlar tuar ngai reng mai hi engtikah tak bang ang maw!
Khantlang: Chakma puan tah. A puan tah hi Chakma puan dik tak a ni. La fuh ka inti ve nasa!
Tuipuibari II: He tiang lei su then dulh dulh thei hi en mai aiin zawh huai ngam a har! Kan zawh lai hian Chakma pa pakhat chu buara ip khata thil pu chungin a lo tlan phei vel. Ka va ngei e aw!
Tuipuibari Centre: Hetiang ar (Mizo ar?) hi thingtlang lamah lo chuan hmuh tur a vang tan ta. Kei ka lung zu ti leng tlat a!
Salem Boarding: He thil hian kan naupan laia 'Danger - Hlau hawm' tia kan chhiar zuah zuah thin lai kha min ti hrechhuak. Hmuh tur a awm ta mang lo em maw ni.
19 comments:
Hotupa, pic 4-na, leiah khian ka ding a, thla ka la ve tawh ngei a lawm. Kei aiin i kal thui ngam tlat. A tir lamah khan ka ding mai mai, kei chu :D
A ni tak e hotupa, i blog-ah nge khawiah emaw leia i thlalak kha hmu tawha inhriatna ka nei! E khai kei chu ka zawh chhuak parh a lawm. Ral lehlam kai kha a ngai a mauh mai a...
I zinna chu a va ro rawng² ve le!
Ka lung ti leng tu ber chu ar photo a, a background a plastic chawhtawlh hlui, pangpar phun nan a hman khi. Kan naupan laiin ka nu hian pangpar a ngaina ve sia, a flower pot khan a daih thrin lo..chawhtawlh khi/keh deuh te kha pot angin a hmang zel! Tel tin zai phel te pawh.
Chuan, rope-bridge khi i zawh ngam zawk ka ti ang reng. A chhan chu mizoram sawrkar ( or VC, YMA..a siam tu) in periodic safety check a ti em? a tih chuan a check tu a qualified em? a qualified chuan check tak tak nge paper chauh a check? Lo chat palh se sawrkar in i chhungte compensation ang pe ang em? life insuarance i ti em?....awi,consider tur a tam lutuk!! Chuvang chuan i hui ka ti bawn!! Kei phei chu swimming ka la thiam lo zui ( lo chat palh ta se). Tarzan film ang deuhvin, a hrui pawimawh ber a rek telh² ang a..a tawp ber a mi in a zawh zo trep tihah a chat ang tih ka lo hlau!
Ka comment tui lutuk a..ka blog amaw ka ti hman trep :-)
-bmw-i
I zinna ve chu leh, Tlakhawlha vanrama chhoh daihna a va tam awm ve. Chu chu sap-in up side down an ti
@bmw, nia maw le, nipui lai a khawro vawng vawng, fur laia diak leh em em hi a lawm Mizoram ti nuam lotu ber te zinga mi ka tih ve fo chu. Hriatrengna chhete anga lang hi a hlu fo thin reng asin!
Hnampui zawkten an ngaih pawimawh i rawn tarlan ang chi ngaihtuah thlip thlep chung hian Mizoramah khawsa dawn ta i la, zawh ngam loh lei, kal ngam lohna kawng, chen ngam lohna In a tam thei awm mang e ka ti! Chuvangin he rama duh thala che tur chuan huaisen a ngai:) E khai hei hi i blog-ah ngai hmak rawh:)
@tea, Mizovin 'a letlinga vuttui thlawr bel' kan ti bawk! Kan tlawh phak ve tawk a ni miau mai si a nih hi!:)
lung i va tileng ve, Tuipuibari te Salem Boarding te chu ka kal ve tawh ngei mawle.... Danger pawh khi a hlauhawm khawp mai.
Hrui leilawn ang khi kei a hlauhawmna lam ngaihtuah miah lo-in a nawmna lam hian min hip thin zawk a, kan zawh then lawp lawp mai thin asin hahaha, i thlalak pawh a nalhin i la fuh hlawm khawp alawm..
@BMW: Hei mizoram a ni.
Thil a nih dan tur angloa awm pawh ila hmu zel ang a, i fang zau tial tial ang a, i hmu mawlh mawlh mai ang. Chutih hunah chuan 'ngatinge' tiloin, 'hei hi Mizoram a ni' tila, lungawi i tum phawt dawn nia. Bihar ang mai kan nih tawh hi maw.!
Chakma puantah lai chu safe keuh mai teh ang.
Kal ve a van chakawm ve! Khitiang lei zawh hi ka nuam tih zawng zuk ni ve tlat a! :-) Arunachal-ah khan a tam khawp mai a, a tlan chhuak rang ber nih inchhuhin kan inel vel thin! :-)
@Varte, i lo kal dim diam tawh a nih tak chu maw le! Nia Danger hi a hlau hawm a nia aw!:)I huai hle mai!
@PimPom, bmw te thlirna ang chi hi tunlai mi hawi zau leh ngaihtuahna fing zawkte thil thlir dan chu a ni a. Mahse i sawi ang hian 'hei hi Mizoram a ni' kan tih a la ngai miau si a nih hi maw le tiraw...
@Sekibuhchhuak, la zu daidar ve rawh khai, thil interesting deuh deuh a tam phian mai khuti lam khu. Hehe mi hlauh kha infiamnan in lo hmang vel mai mai a ni maw.. Kei pawh ka zawh lai la la khan improvement chu ka nei nghal, kal leh i la ka ngam sawt tawh ang ka ring.:)
mit a tlai hle mai hotupa..nang nge nge.kei pawh mizoram a awm ve lai hian a tam thei ang ber zin chhuah chu ka duh ania..mahse a tih hleih theih hrih lo chu anih hi!
thuhmahruai lamah i pha nasa hle na a,i thlalak a mawi hlawm hle mai. Artistic eye i nei a nih hi..i lak dan angle vel pawh a dik tlat!
@avena, thanks hotupa! Hun awlah chuan kei pawh zin chhuahna tur ka melh reng mai. Vanlaiphai lam te ka han kal tawh bawk a. Tlawh tam chu nia a har khawp mai...
@keimah, a va zahthlak letling ve maw le! Engpawhnise ka lawm e. Ka Sony Cybershot hi ka neihna a rei tawhin ka vah kualpui nasa tawh a nia aw!
Ekhai...ar in chu ka sa zo tawh a.,.mizo ar i rawn tarlan ang khi vulh ve ka chak deuh a mahse han lei mai tur ka hmu zo hauh lo mai nia maw le!!
kawnpui lam atang te in min lo ngaihtuah sak dan i hre mial lo maw ...hotupa!
khawchhak lam zin chanchin chhiar tur a awm dawn hnai tawh em?
An Ar Bawm tah dan chu a va dangdai reuh ve mawle. Nuih te pawh a tiza thei deuh alawm.
Pu Faka,
Kawnpui thalaite chuan kan chhuang tak zet che a, hunkal tawhah harsatna tam tak pawh lo tawk tawh mah la, kan support tlat che a ni. I talent neihte hmang zel turin duhsakna kan hlan a che.
Hotupa, Khawthlang lam kan van hrut rei ta ve! I fans te'n kan ngai khawp mai che :-)
Zirna sang zawk chu i chhunzawm dawn ta em ?
@avena, Kawnpui lam hi ka kal khat ang reng khawp mai. Chutia hotuten in tih te chuan kan la ngaihtuah dawn nia.
@mesi, nia hei an bei danglam ve riau. A thatna tak an hria a ni ang chu maw...
@chhawllen, thanks a ton! Min duhsaknaah ka lawm takzet. Chhuan tlak erawh ka ni mawlh lo...
@sekibuhchhuak, nia maw le hei tunlai chu ka buai dan hi a internet khawih lo chiin a ni tlat pek a lawm maw le! Khawthlang lam lo deuh te pawh kan la hrut leh ngei turah i ngai teh ang:) Chhunzawm tur chuan ka inbuatsaih ve zel a...
I zin leh hun chu min lo hruai harh ve teh..lei erawh khi chu ka zawh ve ngamlo ang
An Arbawm chu a thlawk thei em ni.. tinge Arbawm mai mai te i veh vak a. lol
Post a Comment