Bangalore Zin Kawng
Kan awlsam ngei mai. January Ni 1 kha a ni a. Zan dar 10 hnu lamah thingpui hang dawm pahin thianzaho kan titi a. Kan thian pakhat chuan, "Bangalore hi i la kal ho teh ang u a..." a ti a. Pakhatin, "Naktukah kal mai i la," a rawn ti leh a. Tichuan kan rel thlu a, a tuk zing dar 5:30-ah chuan Bangalore panin kan tlan daih tawh!
Chennai dai kan tlan lai chuan ni a lo chhuak siar siar a...
Kan tlan dawn chauh emaw tih laiin thenkhat an lo mutthlu hmanhmawh a...
Chennai-Bangalore Four-Lane Highway. Kawng pahnih inkarah hian daidanna (median) metre 5.5 (khawpui huam chhungah 1.8 metres) zeta zau dah a ni a, Motor insul pel tan harsatna a awm ve lo. NH 54 khi Silchar atanga Tuipang thleng ka zawh tluan parh tawh a. A inthlau khawp mai!
Kawng thlur hnih indaidannaah chuan pangpar mawi tak tak an ching a. Kawngsir tawn tawnah Theihai leh Coconut kung a ngaw phei khup bawk. 'One of the best scenic highways in India' an lo ti hi thil awihawm tak a lo ni!
Chawlh hahdam chhungin Coconut te kan han zuar ang lawp lawp a!
Utility Building chhawng 23-na atang chuan a zo vuk tawh mai! Thil pakhat, Bangalore-ah hian traffic a tawt deuh thin a, elevated highway an siam lai a lo ni bawk nen, din rei a ngai deuh thin.
A tuka kan haw tur chu kawng kan bo hrep a, Bangalore City huamchhung kan pelh fel meuh chuan ni a tla dawn dawn tawh. Ni tla tur chu ka'n thlir a, kei meuh pawh ka lung zu han leng ve tep a!
Hetiang lung hi helai chhehvelah hian a tam khawp mai. Amitabh-a ten Sholay film an channa lai vel kha a ni an ti. Cowboy film chan nan pawh a itawm khawp mai!
9 comments:
Ekhai, mit leh beng a va tlai kher ve leh hotupa.. a hmuhnawm ngei mai. coconut te chuan lung a tileng hle mai. Hetiang a no tui hi a hrisel an ti thin tak viau a sin.. sum nei ila, in zawrh chu han lem sak a chakawm hle mai..hehehe, hei thirsakawr te pawh in lo chuang thiam a ni maw...hotupa avena zirtir che u chu in ni em long chu maw..:)
Motor chuan hi ka hreh ber a ni a, a ruih thin avangin.. mahse khaw hmuh hnem nan chuan a tha khawp mai.
Hotupa chu motor rui chi i lo ni maw? A pawi hle mai, he highway mawi leh tha tak hi engtikah emaw kan la zawh ho vang chu tih nak alaiin...:( Tih tur dang nei lem lo tan pawh a zawh tur hrim hrima kal chi a ni, hmanhmawh lo vin...
Coconut tui fim hi nia, heti lamah hian kan hnianghnar ang reng a, kan vanneihna tak a ni awm e. Thirsakawr hi ka lo chuang thiam tawh mang hlek lo nia. avena hnen lamah training lak a ngai dawn a nih hmel, ani hi thiam chikim nei a nia:)
Hotupa nula rim kawng lamtluang chu a nuam awm zar zar hle mai maw!!
Mihring hi mak ve asin, rilru an hlim em em hi chuan thil tih vak ngai tawh lo, thirsakawr chuan te hi an han thar thawh leh mauh mai thin e, an tia lawm :-))
A pic i rawn tarlan ho hi , krisnagir leh Hosur in kar kawng vel anih hmel a; a nuam asin! 2003-2005 vel khan ka awm ve a, kan tlan par par zel mai maw le :-))
Mo hruai na tur kawng pawh kan hmu ta raih mai..motor rui chi alo ni ta hlauh anih tak pawh in, kawng a mam tha tal a, rui chhe lutuk lo in chennai a thleng thei tur ah ngai ila, a tha ange!!
Hosur sawi takah chuan rilru a thar zak mai ka ti..:)
Hotupa Avena han tihrik ang hian Mo hruaina tur lamtluang pawh mit ngeiin kan lo hmu thei ta a.. step pakhat chu kan thleng a ni mai lo maw?..:)
Tin, he kawng hi motor awm lohniah thirsakawr nena chak taka tlan per per nan a itawm hle mai.
Tlangval hun a tawp hnai tawh bawka coconut tui chu lo in vak vak phawt mai teh.. a inchhir awm loh mai thei a nia, avan'n a ti..:)
Aw, kan hotute chu a 'chorus' ngai bawk maw:) A neih tur lam hre mang si lo hian nupui min neih tir thuak thuak reng mai chu a nih hi maw:)
A tha viau zel e.
E heu, chu avena chuan coconut tui thatna te chu a lo hmuchhuak leh der tawh pek a ni maw? Nge puia, nangma experience i rawn sawi zawk? A thlamuan thlak thin e, kan hotute... Hosur sawia 'rilru thar zak' lai te pawh chu sawi zau deuh law2 a va tha ve:)
Kan hotute krismas lengkhawm zai lai pawh zawlbuk lamah a lang lian hle mai.. in che fuh hle ni tur a ni..:)
Coconut no tui chu hotupa avena hian a sawngbawl thiam hle a ni ang, hei a hmelah pawh a takin kan hmu alom.. hrisel hmel tak, hmai fai veng vawng.. hlim hmel pu sang a nihna hian a hril tawh hrim hrim lo maw..:)
a kawng pawh a mam tha e... 'ran ngo zawn hmuh na kawng' ni awm reng pawh ani e!!
A nih tak saw maw le puia... Hotupa avena chu a zai tui bawk a niang, men pawh a meng phal meuh hlei nem. A zai lai thlalak te chu chanchinbu lamah a chhuak chuai chuai mai an tia lawm:)
Kan hotute pahnih chu, Bangalore leh Hosur chhehvel hi tui pui riau na chhan tha tak in nei chu a ni phawt mai... Han inpuang fel law law teh u khai:)
hotupa mafaka chu; thlengpui khup hnu thal leh thei lo duhthlanna i siam zo ta chu ani chek anga!! tluang tak in biakin atanga ke pen chhuak dun tur kha in nih tawh hmel a, a ropui thlawt e!
Post a Comment